শীতকালীন ছালৰ যত্ন: শীতকালত ছালৰ সমস্যাই আটাইতকৈ বেছি আমনিদায়ক। এই ঋতুৰ ঠাণ্ডা বতাহজাকে ছালৰ জিলিকনি ম্লান কৰি পেলায়। যাৰ বাবে ছালখন নিৰ্জীৱ আৰু শুকান যেন লাগে। এই ঋতুত ছালৰ লগত জড়িত সমস্যাৰ পৰা হাত সাৰিবলৈ আপুনি জীৱনশৈলীৰ পৰিৱৰ্তন কৰিব পাৰে। যাৰ বাবে আপোনাৰ ছালৰ জিলিকনি অক্ষত থাকিব। শীতকালত ছালৰ যত্ন কেনেকৈ ল’ব লাগে জানো আহক-
১) ঋতু অনুসৰি খাদ্য পৰিবৰ্তন কৰিব লাগে,
ছালৰ পুষ্টিকৰ বাবে পুষ্টিকৰ খাদ্য অতি প্ৰয়োজনীয়। ইয়াৰ বাবে শীতকালীন খাদ্য তালিকাত এনে খাদ্য সামগ্ৰী অন্তৰ্ভুক্ত কৰিব লাগে, যিয়ে ছালখনক জলসিঞ্চিত কৰি ৰখাত সহায় কৰে। সুস্থ ছালৰ বাবে খাদ্যত ষ্ট্ৰবেৰী, কমলা, লাও আদি অন্তৰ্ভুক্ত কৰিব পাৰে।
২) গৰম পানী পৰিহাৰ কৰক,
শীতকালত ঠাণ্ডাৰ পৰা হাত সাৰিবলৈ মানুহে গৰম পানী ব্যৱহাৰ কৰে, যাৰ বাবে ছালৰ শুকান সমস্যা বাঢ়ি যায়। সেইবাবেই এই বতৰত গৰম পানীৰে গা ধোৱাৰ পৰা বিৰত থাকিব লাগে। গৰম বা কুহুমীয়া পানীৰে গা ধুব পাৰে, গা ধোৱাৰ পিছত মইশ্ব’ৰাইজাৰ ব্যৱহাৰ কৰিব লাগিব।
আৰু পঢ়ক
>> ক’লা ওঁঠৰ পৰা মুক্তি পোৱাৰ আটাইতকৈ সহজ উপায় !
>> ৰাতিৰ ভিতৰতে ক’লা দাগ, চকুৰ পলকতে নোহোৱা হৈ যায়।
৩) নিয়মিতভাৱে চাফা কৰিব লাগে,
ছালৰ যত্নৰ ৰুটিনত পৰিষ্কাৰ কৰাটো নিশ্চিতভাৱে অন্তৰ্ভুক্ত কৰক। দৈনিক দুবাৰকৈ, ৰাতিপুৱা আৰু ৰাতি ছাল পৰিষ্কাৰ কৰিব পাৰে। ই মুখৰ মলি পৰিষ্কাৰ কৰাত সহায় কৰে, যাতে ব্ৰণ আৰু পিম্পলৰ দৰে সমস্যাৰ পৰা হাত সাৰিব পাৰে।
৪/ মুখখন মালিচ কৰক,
শীতকালত ছালৰ জিলিকনি বজাই ৰাখিবলৈ তেলেৰে মুখখন মালিচ কৰিব পাৰি। ইয়াৰ বাবে নাৰিকল তেল, অলিভ অইল বা আলমণ্ড অইলৰ দ্বাৰা মালিচ কৰিব পাৰে। সপ্তাহত ১-২ বাৰ ফেচিয়েল মালিচ কৰিব পাৰে।
বিঃদ্ৰঃ উক্ত লেখা ইন্টাৰনেটৰ পৰা সংগ্ৰহ কৰা তথ্যৰ ওপৰত আধাৰিত।