শিশুসকল অতি ভংগুৰ, গতিকে প্ৰাপ্তবয়স্কসকলে সাৱধান হোৱা প্ৰয়োজন, তেওঁলোকৰ সম্পৰ্কে যিকোনো সিদ্ধান্তৰ প্ৰতি বেছিভাগেই সচেতন। আপোনাৰ সন্তানে কি খাব আৰু কি পিন্ধিব সেইটোৰ ওপৰত চকু ৰখাৰ দৰেই তেওঁৰ শোৱা কোঠা সজাই তোলাৰ ক্ষেত্ৰতো কেইটামান কথা মনত ৰাখিব লাগিব।
সাৱধান হ’বলগীয়া কথাবোৰ জানি লওক-
শিশুৰ কোঠাত খেলনা বস্তু থাকিব। সকলোৰে পছন্দ বেলেগ বেলেগ। কিন্তু কোনো ধৰণৰ খেলনা নাৰাখিব যিয়ে ডাঙৰ শব্দ কৰে বা হিংসাৰ আভাস থাকে। ইয়াৰ ফলত শিশুৰ ওপৰত বেয়া প্ৰভাৱ পৰিব পাৰে। আকৌ অত্যধিক শব্দই কাণৰ সমস্যাৰ সৃষ্টি কৰিব পাৰে। খেলনাটো যিমানেই গঠনমূলক সিমানেই ভাল।
শিশুৰ কোঠাত কোনো ধৰণৰ আচবাব ৰাখিব নালাগে যাৰ ফলত আঘাত পাব পাৰে। শিশুৱে আঘাত পোৱাৰ সম্ভাৱনা বেছি। গতিকে কোনো বস্তু ভংগুৰ নহ’বলৈ চেষ্টা কৰক। বিচনা, টেবুল বা চকী ইমানেই গধুৰ হ’ব লাগে যাতে শিশুৱে লৰচৰ কৰিব নোৱাৰে। আকৌ আচবাবৰ চুকবোৰ চোকা হ’ব নালাগে।
বেবী ৱাকাৰে শিশুক দ্ৰুতভাৱে খোজ কাঢ়িবলৈ শিকাত সহায় কৰে। কিন্তু এই বস্তুটো শিশুৰ শোৱা কোঠাত নাৰাখিব। কিয়? কাৰণ ইয়াৰ তলত চকা আছে। ফলত আপুনি লক্ষ্য নকৰাকৈয়ে যিকোনো দুৰ্ঘটনা হ’ব পাৰে। আপুনি বা কোনোবাই সন্মুখত থাকিলেহে শিশুটিক বেবী ৱাকাৰত ৰাখক।
ঘৰত এজোপা গছ থাকিলে ভাল। কিন্তু নিশ্চিত হওক যে আপোনাৰ শিশুটিৰ ইয়াৰ এলাৰ্জী নহয়। হয়, শিশুৰ এলাৰ্জীৰ প্ৰৱণতা বেছি। গতিকে অতিৰিক্ত সাৱধানতাৰ প্ৰয়োজন। গছৰ পাতত ধূলি থাকিব নালাগে। ই ধূলিৰ এলাৰ্জীৰ সম্ভাৱনা বৃদ্ধি কৰে।
শিশুটি থকা কোঠাটোত টেলিভিছন নাৰাখিব। তাৰ পৰিৱৰ্তে কিতাপ ৰাখিব পাৰি। পঢ়াৰ অভ্যাস থকাটো ভাল। আৰু শিশুৰ শোৱা কোঠাত চুইচবৰ্ড হাতৰ নাগালেৰে আঁতৰত ৰখাটোৱেই উত্তম।