পুষ্টিকৰ খাদ্যৰ কথা ভাবিলেই প্ৰথমে মনলৈ আহে কণী। কণীত ভিটামিন, খনিজ পদাৰ্থ, প্ৰটিন, ভাল চৰ্বি আৰু বিভিন্ন পুষ্টিকৰ উপাদান থাকে। সেয়েহে সস্তীয়া স্বাস্থ্যকৰ খাদ্যৰ ভিতৰত কণী সৰ্বোত্তম। কিন্তু কণীৰ উপৰিও ইয়াৰ খোলাটো কম উপকাৰী নহয়। ছালৰ সৌন্দৰ্য্য বঢ়াবলৈ কণীৰ খোলাৰ বিকল্প নাই !
ছালখন টান কৰাৰ পৰা আৰম্ভ কৰি বলিৰেখা আঁতৰোৱালৈকে কণীৰ খোলাৰ ফেচ পেকত সকলো সমাধান আছে ! এই ফেচ পেকটো কেনেকৈ বনাব ? জনো আহক –
উপকৰণ –
- এটা কণীৰ খোলা,
- কণীৰ কুহুম,
- এচামুচ মৌ,
- এচামুচ গাখীৰ আৰু
- গোলাপ পানী
প্ৰস্তুত কৰাৰ পদ্ধতি
এটা কণী ফাটি খোলাটো পৃথক কৰক। কণীৰ কুহুমৰ পৰা কুহুম পৃথক কৰক। আন এটা বাটিত চামুচৰ সহায়ত কণীৰ খোলাখিনি মিহিকৈ কাটি লওক। তাত গোলাপৰ পানী কেইটোপালমান দিব। কণীৰ কুহুমখিনি ভালদৰে বিট কৰক, ফেনযুক্ত হোৱালৈকে। তাৰ পিছত কণীৰ খোলাৰ মিশ্ৰণটো কণীৰ কুহুমখিনিত ঢালি দিব। মৌ আৰু গাখীৰৰ লগত ভালদৰে মিহলাই লওক। মিশ্ৰণটো অলপ ডাঠ হ’ব। বেছি লৰচৰ কৰিলে মুখত বহি নাথাকিব। যদি পেষ্টটো ডাঠ নহয়, তেন্তে তাত এচামুচ আটা মিহলাই ল’ব পাৰে। পেকটো লগোৱাৰ আগতে এঘণ্টা ফ্ৰীজত থৈ দিব। ঠাণ্ডা মাস্ক লগালেও মুখত সকাহ পাব।
কেনেকৈ লগাব ?
প্ৰথমে ফেচ স্ক্ৰাবেৰে মুখখন ভালদৰে ধুব। পাৰিলে বৰফৰ পানীৰে মুখখন ধুব। তাৰ পিছত ফ্ৰীজৰ পৰা কণীৰ খোলাৰ ফেচ পেকটো উলিয়াই গোটেই মুখখনত সমানে লগাব। শুকোৱাৰ পিছত মুখত অলপ পানী ছটিয়াই মালিচ কৰি পেকটো আঁতৰাই দিব। ইয়াৰ পিছত পানীৰে ধুব।
Disclaimer – এই প্ৰতিবেদন কেৱল ইন্টাৰনেটত উপলব্ধ তথ্যৰ উপৰত ভিত্তি কৰি সাধাৰণ জ্ঞান প্ৰদানৰ বাবেহে দিয়া হৈছে, Jibonor Shongram এ এই তথ্যৰ নিশ্চয়তা আৰু সত্যতা প্ৰদান নকৰে আৰু দায়িত্ব গ্ৰহণ নকৰে। লেখাবোৰ পঢ়ি ভাল পালে যদি শ্বেয়াৰ কৰিবলৈ নাপাহৰিব।