১,১১১ দিনৰ ফিক্সড ডিপজিটত ডাঙৰ ৰিটাৰ্ণ, চাওক কিমান সুত পাব।

বিনিয়োগৰ কথা আহিলে ফিক্সড ডিপ’জিটৰ নামটোৱেই প্ৰথম। বিনিয়োগৰ আটাইতকৈ জনপ্ৰিয় বিকল্পটো হ’ল ফিক্সড ডিপ’জিট। ই বেছিভাগ বিনিয়োগকাৰীৰ প্ৰথম পছন্দ। ইয়াৰ আঁৰত আছে কাৰণ। ইয়াত বিনিয়োগ কৰিলে ভাল ৰিটাৰ্ণ পোৱা যায় কাৰণ বিনিয়োগ কৰা ধন নিৰাপদ। কিন্তু এতিয়া এফ ডিৰ ক্ষেত্ৰখনতো পৰিৱৰ্তন হৈছে। যেনে গ্ৰীণ এফ ডি। ইয়াৰ উপৰিও ই এক প্ৰকাৰৰ ফিক্সড ডিপ’জিট, য’ত বিনিয়োগকাৰীৰ ধন পৰিৱেশ উন্নয়ন প্ৰকল্পত বিনিয়োগ কৰা হয়।

SBI Green Rupee Term Diposite Scheme

শেহতীয়াকৈ দেশৰ সৰ্ববৃহৎ চৰকাৰী বেংক ষ্টেট বেংক অৱ ইণ্ডিয়াই গ্ৰীণ ৰুপি টাৰ্ম ডিপ’জিট আৰম্ভ কৰিছে। ২০২৪ চনৰ আৰম্ভণিতে এছ বি আইয়ে এই প্ৰকল্প আৰম্ভ কৰিছিল। এই আঁচনিৰ জৰিয়তে সংগ্ৰহ কৰা ধন বিভিন্ন পৰিৱেশ প্ৰকল্প আৰু বিত্তীয় পৰিৱেশ বৃদ্ধিৰ বাবে ব্যৱহাৰ কৰা হ’ব। ইয়াৰ উদ্দেশ্য দেশৰ বাবে এক সুন্দৰ ভৱিষ্যত সৃষ্টি কৰা।

SBI Green FD-ৰ বাবে কোনে আবেদন কৰিব পাৰিব ?

ভাৰতীয় ষ্টেট বেংকৰ অফিচিয়েল ৱেবছাইটত এই সন্দৰ্ভত বিতং তথ্য দিয়া হৈছে। ইয়াত উল্লেখ কৰা হৈছে যে আৱাসী বা প্ৰবাসী ভাৰতীয় বাসিন্দা, অব্যক্তিগত আৰু অনাবাসী গ্ৰাহকেও এই আঁচনিখনত বিনিয়োগ কৰিব পাৰিব।

SBI Green FD–ৰ কাৰ্যকাল কিমান দিন ?

ষ্টেট বেংকৰ আনুষ্ঠানিক অধিসূচনা অনুসৰি তিনিটা কাৰ্যকালৰ বাবে এছ বি আইৰ গ্ৰীণ ৰুপী টাৰ্ম ডিপ’জিট উপলব্ধ হ’ব। এই সময়সীমা ১১১১ দিন, ১৭৭৭ দিন আৰু ২২২২ দিন।

আৰু পঢ়ক – STP-ত বিনিয়োগ কৰক, SIP তকৈ অধিক ৰিটাৰ্ণ পাওক

SBI Green FD Scheme ৰ সুতৰ হাৰ কিমান ?

এই আঁচনিখনত সুতৰ পৰিমাণ কাৰ্যকাল অনুসৰি ভাগ কৰা হয়। ১১১১ দিন আৰু ১৭৭৭ দিনৰ কাৰ্যকালৰ বাবে সাধাৰণ নাগৰিকে লাভ কৰিব ৬.৬৫ শতাংশ সুতৰ হাৰ। ২২২২ দিনৰ বাবে ৬.৪০ শতাংশ সুতৰ হাৰ উপলব্ধ। আনহাতে জ্যেষ্ঠ নাগৰিকে ১১১১ দিন আৰু ১৭৭৭ দিন আৰু ২২২২ দিনৰ বাবে ৭.৪০ শতাংশ সুতৰ হাৰ লাভ কৰিব। অৱশ্যে অনাবাসী ভাৰতীয় জ্যেষ্ঠসকলে সাধাৰণ নাগৰিকৰ দৰেই সুতৰ হাৰ লাভ কৰিব।

SBI Green FD ত ক’ত বিনিয়োগ কৰিব ?

বৰ্তমান ভাৰতীয় ষ্টেট বেংকৰ গ্ৰীণ ফিক্সড ডিপ’জিট আঁচনিত বিনিয়োগ কৰিব বিচৰা গ্ৰাহকে এছ বি আই বেংকৰ ওচৰৰ শাখালৈ যাব লাগিব। কিন্তু অনাগত দিনত এই আঁচনিৰ বাবে আপুনি ঘৰতে অনলাইনযোগে আবেদন কৰিব পাৰিব। তাৰ পিছত YONO app বা INB ৰ দৰে এপৰ পৰা আবেদন কৰিব পাৰিব। অৱশ্যে অনলাইন মোড আবেদন প্ৰক্ৰিয়া এতিয়াও আৰম্ভ হোৱা নাই।