গছেই জীৱন। এই বাক্যটো সৰুৰে পৰা শিকোৱা হয়। কিন্তু প্ৰকৃত মনটো সম্পূৰ্ণ বেলেগ। মানুহে নিজৰ চখ পূৰণৰ বাবে ইখনৰ পিছত সিখন গছ কাটিছে। কোনোবাই বহুমহলীয়া ঘৰ নিৰ্মাণৰ বাবে কাটিছে, কোনোবাই বৃহৎ কাৰখানা নিৰ্মাণৰ উদ্দেশ্যে কাটিছে। কিন্তু আজি এনে এজন ব্যক্তিৰ বিষয়ে জানিব পাৰিব। ৮৭ বছৰীয়া এজোপা আম গছত তেওঁ ঘৰ সাজিছে। আজি সবিশেষ জানি লওঁ –
তেওঁ হৈছে কে পি সিং। তেওঁৰ ঘৰ ৰাজস্থানৰ হ্ৰদ নগৰ উদয়পুৰত। পেছাত এজন অভিযন্তা। এজোপা আম গছত তেওঁ নিজৰ ঘৰ সাজিছে। তেওঁৰ এই ঘৰটোক ‘বৃক্ষৰ ঘৰ’ বুলিও জনা যায়। ঘৰটো চাৰি মহলা। বিগত ২০ বছৰে এনেদৰে গছৰ ওপৰত থিয় হৈ আছে ঘৰটো।
তেওঁ নিজৰ ঘৰটো সম্পূৰ্ণ নিজেই ডিজাইন কৰিছিল। গছৰ ডালবোৰ তেওঁ সুন্দৰকৈ ব্যৱহাৰ কৰিছে। গছৰ ডাল এটাই টিভি ষ্টেণ্ড এটা বনাই দিলে। আন এটা শাখাৰে এখন চোফা বনাইছে। আন এটাৰে ডাল টেবুলখন চেট কৰিলে। আমৰ ডালবোৰৰ বেছিভাগেই ঘৰৰ ভিতৰতে আছে।
তদুপৰি এই ঘৰটোত বাথৰুম, শোৱা কোঠা, পাকঘৰ আৰু ডাইনিং আছে। ঘৰত চিৰিবোৰ ৰিম’টৰ দ্বাৰা চলি থাকে। ঘৰটো চিমেণ্টৰ নহয়। ঘৰটো চেলুলাৰ, ষ্টীলৰ ষ্ট্ৰাকচাৰ আৰু ফাইবাৰ চিটৰ দ্বাৰা নিৰ্মিত। ঘৰৰ উচ্চতা ৪০ ফুট। ঘৰৰ মাটি ৯ ফুটৰ পৰা আৰম্ভ হয়। ২০০০ চনত নিৰ্মাণ কৰা হৈছিল এই ঘৰটো। ঘৰটো চাবলৈ অধিকাংশ পৰ্যটকে এই ঠাইলৈ আহে।