১০০ টকা জমা কৰি ৫৭ জাহাৰ টকা পেঞ্চন পাওক, কেনেকৈ আবেদন কৰিব

এই চৰকাৰী আঁচনিখন আপোনাৰ বৃদ্ধাৱস্থাৰ আস্থা হ’ব পাৰে। য’ত নিয়মিতভাৱে ধন জমা কৰি নিয়মীয়া এফ ডি (ফিক্সড ডিপ’জিট) তকৈ বহু বেছি ধন গঢ়ি তুলিব পাৰি। বৃদ্ধ পেঞ্চন আঁচনিৰ নাম আহিলেই বহুতে এই জমা ধনৰ কথা কয়। ইয়াৰ নাম নেশ্যনেল পেঞ্চন চিষ্টেম (এন পি এছ)। এই আঁচনিখনত যিকোনো নাগৰিকে বিনিয়োগ কৰিব পাৰিব।

বৃদ্ধ বয়সত কিমান পেঞ্চন পাব কেনেকৈ বুজিব !

অৱসৰৰ পিছত আপুনি বিশাল এককালীন ধনৰ লগতে মাহেকীয়া পেঞ্চনও পাব। ইয়াৰ ৱেবছাইটৰ জৰিয়তে এন পি এছত বিনিয়োগ কৰিব পাৰিব। ইয়াত আয় আৰু সুবিধা সহজে বুজিব পাৰি। ইয়াত এন পি এছ কেলকুলেটৰো উপলব্ধ। যদি আপুনি বিনিয়োগ কৰিব বিচাৰে তেন্তে প্ৰয়োজন অনুসৰি বিনিয়োগৰ পৰা কিমান লাভ হ’ব সেয়া বুজিব পাৰিব।

ৰাষ্ট্ৰীয় পেঞ্চন ব্যৱস্থাৰ অধীনত অতি কম পৰিমাণৰ বিনিয়োগ কৰিলে বহু সুবিধা পোৱা যায়। প্ৰতিদিনে ১০০ টকা সঞ্চয় কৰি ৫৭ হাজাৰ টকীয়া মাহিলী পেঞ্চন কেনেকৈ লাভৱান হ’ব পাৰে, জানিবলৈ সম্পূর্ণ পঢ়িব –

২৫ বছৰ বয়সত প্ৰতিমাহে ১৫০০ বিনিয়োগ পেঞ্চন

যদি আপুনি ২৫ বছৰ বয়সৰ পৰাই এন পি এছত প্ৰতিদিনে ৫০ টকা বা প্ৰতিমাহে ১৫০০ টকা বিনিয়োগ কৰিবলৈ আৰম্ভ কৰে তেন্তে ৬০ বছৰ বয়সলৈকে এই পুঁজি ৫৭,৪২,৪১৬ টকালৈ বৃদ্ধি পাব। মনত ৰাখিব, আপুনি এই পৰিমাণৰ ধন গঢ়ি তুলিব পাৰে যদিহে আপুনি বাৰ্ষিক ১০ শতাংশ সুত পায়। সেই ক্ষেত্ৰত জমাকাৰীয়ে ৭৫ বছৰ বয়সলৈকে বিনিয়োগ কৰিব পাৰে ইয়াত বিনিয়োগকাৰীয়ে ১০০ শতাংশ বাৰ্ষিকী পৰিকল্পনা বা বাৰ্ষিক পৰিকল্পনা কিনিব পাৰে।

ইয়াৰ সৈতে যদি ১০০ শতাংশ বাৰ্ষিকী ক্ৰয় কৰা হয় তেন্তে গ্ৰাহকে ২৮,৭১২ টকাৰ মাহিলী পেঞ্চন লাভ কৰিব পাৰে। যদি ৪০% বাৰ্ষিকী পৰিকল্পনা ক্ৰয় কৰা হয় তেন্তে মাহিলী পেঞ্চন হ’ব ১১,৪৮৫ টকা। আপুনি একেলগে ৩৪ লাখ টকাৰ বিশাল পুঁজি পাব, যিটো আপুনি উলিয়াব পাৰিব।

প্ৰতিদিনে ১০০ টকা জমা কৰিলে কিমান পেঞ্চন পাব ?

যদি আপুনি ২৫ বছৰ বয়সৰ পৰা প্ৰতিমাহে ৩০০০ টকা অৰ্থাৎ প্ৰতিদিনে ১০০ টকা বিনিয়োগ কৰিবলৈ আৰম্ভ কৰে, তেন্তে ৬০ বছৰৰ পিছত এন পি এছ কেলকুলেটৰ অনুসৰি আপুনি ১,১৪,৮৪,৮৩১ টকা জমা কৰিব। এই ধনেৰে যদি ১০০% বাৰ্ষিকী পৰিকল্পনা ক্ৰয় কৰা হয় তেন্তে মুঠ মাহিলী পেঞ্চন হ’ব ৫৭,৪১২ টকা। যদি মাত্ৰ ৪০% বাৰ্ষিকী ক্ৰয় কৰা হয় তেন্তে মাহিলী পেঞ্চন হ’ব ২২,৯৭০ টকা। কিন্তু অৱসৰৰ পিছত আপুনি একেলগে ৬৮ লাখ পাব।