৯ বছৰৰ পৰা ৯০ লৈ বিস্কুট খাবলৈ ভাল নোপোৱা মানুহ বিচাৰি পোৱাটো টান। ভীষণ ভোক, হাতত একো নাই, বিস্কুট আমাৰ একমাত্ৰ আশা। মানুহৰ আৱশ্যকতাৰ প্ৰতি লক্ষ্য ৰাখি বিভিন্ন সোৱাদৰ বিস্কুটৰ আৱিষ্কাৰ কৰা হৈছে। মিঠা, টেঙা, নিমখীয়া, ক্ৰীম সকলো ধৰণৰ। কিন্তু আপুনি এটা অদ্ভুত কথা লক্ষ্য কৰিছেনে ?
ভালদৰে চালে দেখা পাব যে এই সকলোবোৰ বিস্কুটৰ ওপৰত সৰু সৰু ফুটা আছে। একেটা কোম্পানীৰ একে ধৰণৰ বিস্কুটত একেধৰণৰ ফুটা পোৱা যায়। বিস্কুটত এই ফুটাবোৰ লক্ষ্য কৰিলেও কাৰণ আমি নাজানো। কাৰণ আজি জানি লও আহক।
এই ক্ষেত্ৰত এই ফুটাবোৰ বিস্কুটৰ সৌন্দৰ্য্য বৃদ্ধি কৰিবলৈ দিয়া নহয়। বিস্কুটত এনে ফুটা থকাৰ কিছু বিশেষ কাৰণ আছে। এই ফুটাবোৰৰ নাম হৈছে ‘ডকাৰ’। বিস্কুট বনাওঁতে এই ফুটাবোৰ সৃষ্টি হয়। বিস্কুট বনাওঁতে আটা, পানী, চেনি, নিমখ মিহলাই মল্ড কৰা হয়।
তাৰ পিছত মেচিনৰ সহায়ত বিস্কুটৰ ওপৰত এই ডকাৰবোৰ তৈয়াৰ কৰা হয়। কিন্তু ইয়াত মনত ৰখা উচিত যে বিস্কুট বেকিং কৰাৰ আগতে এই ডকাৰটো বনাব লাগিব। অন্যথা বিস্কুটৰ আকৃতি সলনি হ’ব পাৰে। কাৰণ কি জানো আহক-
আচলতে এই ফুটা বা ডকাৰবোৰ এনেদৰে বনোৱা হয় যাতে বিস্কুট বেক কৰাৰ সময়ত বিস্কুটৰ মাজত বায়ু চলাচল কৰিব পাৰে। মেচিনত বনোৱাৰ সময়ত বিস্কুটত বতাহ প্ৰৱেশৰ বাবে ফুলি উঠিব পাৰে।
তাৰ পিছত ইয়াৰ বিকৃতি আৰু ফাটি যোৱাৰ সম্ভাৱনা থাকে। কিন্তু ‘ডকাৰ’ৰ সৈতে এনেকুৱা হোৱাৰ কোনো সম্ভাৱনা নাই। বিস্কুট এটাক সঠিক আকৃতি দিবলৈ মেচিনৰ সহায়ত বিস্কুটত সমান দূৰত্বত ফুটা কৰা হয়।