ইণ্টাৰনেটত দুগৰাকী কইনাৰ কথা পাতিছে। লাহে লাহে দুয়োজনে ইজনে সিজনৰ স্বামীক লগ পালে। কিছুদিনৰ ভিতৰতে দুয়ো দম্পতীৰ বন্ধুত্ব গভীৰ হৈ পৰিল। কিন্তু কিছুদিনৰ পাছত তেওঁলোকে উপলব্ধি কৰে যে সম্পৰ্কটো এতিয়া বন্ধুত্বতে সীমাবদ্ধ হৈ থকা নাই।
শেষত দুয়োটা দম্পতীয়ে একেলগে সিদ্ধান্ত লয়, একেটা ঘৰতে চাৰিজন মানুহ থাকিব। তেতিয়াৰ পৰা চাৰিজন লোক একেখন চালিৰ তলতে থাকিবলৈ লৈছে। দুয়োগৰাকী কইনাই ইজনে সিজনৰ স্বামীৰ সৈতেও শাৰীৰিক সম্পৰ্কত লিপ্ত হৈছিল। দুয়োগৰাকী কইনা মাতৃ হৈ পৰিল। কিন্তু কোনো সন্তানৰ পিতৃ কোন সেই চাৰিজনৰ কোনোৱেই নিশ্চিত নহয়!
আমেৰিকাৰ অৰেগন ৰাজ্যৰ গোচৰ। টায়া হাৰ্টলেছ আৰু এলিচিয়া ৰজাৰ্ছ নামৰ কইনা দুগৰাকী আৰু তেওঁলোকৰ স্বামী শ্বেন আৰু টাইলাৰে নিজেই এই সমগ্ৰ বিষয়টোৰ বিষয়ে মুকলিকৈ কৈছে। অৱশ্যে ল’ৰা-ছোৱালীকেইটাৰ পৰিচয়ক লৈ কোনেও বৰ বেছি চিন্তিত নহয়। ২৭ বছৰীয়া টায়াই কয় যে তেওঁলোক আচলতে এটা ডাঙৰ পৰিয়াল, পিতৃ-মাতৃ হিচাপে তেওঁলোকে একে সময়তে সকলো দায়িত্ব পালন কৰিব।
প্ৰথমে কিছু সংকোচ আছিল যদিও কোনোৱে নিজৰ অনুভৱ লুকুৱাই ৰখাটো সম্ভৱ নাছিল বুলি দম্পতীহালে কয়। অৱশেষত ২০২০ চনৰ আৰম্ভণিতে দুয়ো একেলগে থাকিবলৈ আৰম্ভ কৰে। এই সম্পৰ্কৰ পূৰ্বে অৱশ্যে দুয়োৰে সন্তানৰ জন্ম হৈছিল।
কিন্তু একেলগে থকাৰ পিছত কইনা দুগৰাকীয়ে আকৌ এবাৰ মাতৃ হ’ব বিচাৰে। ইয়াৰ পিছত সন্তান জন্ম দিয়াৰ সিদ্ধান্ত। দম্পতীহালে কয় যে তেওঁলোকৰ প্ৰথম দুটা সন্তানে এতিয়া গৌৰৱেৰে কয় যে তেওঁলোকৰ এজন নহয়, দুটা ছেট পিতৃ-মাতৃ আছে!