পূজাৰ সময়ত চহৰৰ যাতায়তৰ বাবে এক মহান খবৰ। এইবাৰ দেশৰ সৰ্ববৃহৎ দুচকীয়া বাহন কোম্পানী হিৰোৱে লৈ আহিছে ই-বাইক। অটো নিৰ্মাতা কোম্পানীটোৱে তেওঁলোকৰ Folio ত মুকলি কৰিছে তিনিটা মডেল ই-বাইক। যাৰ মূল্য ৫৭,৫৬০ টকাৰ পৰা আৰম্ভ হয়। চিটি স্পীড পৰ্টফলিঅ’ত ইতিমধ্যে বজাৰত ইলেক্ট্ৰিক স্কুটাৰ আছে।
এই ইলেক্ট্ৰিক স্কুটাৰৰ মডেলসমূহ হ’ল Optima-hx, Nyx-hx আৰু Photon-hx। এইবাৰ একেটা পৰ্টফলিঅ’তে তিনিখন ই-বাইক মুকলি কৰিছে হিৰো ইলেক্ট্ৰিকে। এই ক্ষেত্ৰত হিৰো ইলেক্ট্ৰিক ইণ্ডিয়াৰ মুখ্য কাৰ্যবাহী বিষয়া, সোহিন্দৰ গিলে কয়, সম্প্ৰতি ই-বাইকৰ বজাৰত মেৰুকৰণ হৈছে। এই ক্ষেত্ৰত কম স্পীড বাইকৰ দাম সাধাৰণতে কম আৰু হাই স্পীড বাইকৰ দাম অতি বেছি।
গ্ৰাহক সকল দীৰ্ঘদিন ধৰি এনে এটা ট্ৰেণ্ডৰ লগত অভ্যস্ত হৈ আছে। কেইবাবছৰ ধৰি বজাৰ গৱেষণাৰ অন্তত এই ই-বাইকখন বজাৰত মুকলি কৰা হৈছে যাতে মূল্য আৰু কৰ্মক্ষমতাৰ ক্ষেত্ৰত গ্ৰাহকৰ প্ৰয়োজনীয়তা পূৰণ কৰিব পৰা যায়।
অৰ্থাৎ এই বাইকখনে কম বেটাৰী ব্যৱহাৰ কৰি পৰ্যাপ্ত পৰিমাণৰ পিক-আপ দিব পাৰিব। আৰু ই গতি বজাই ৰাখি চহৰৰ ৰাস্তা-ঘাট আৰু আলিবোৰত চলিব। সুলভ মূল্য আৰু ৭০-২০০ কিলোমিটাৰৰ আৰামদায়ক ড্ৰাইভিং ৰেঞ্জ ক্ৰয় কৰাৰ অন্যতম কাৰণ এই গাড়ীখন। এই বাইকখনে বেটাৰীত বেছি চাপ নিদিয়ে।
কোম্পানীটোৰ মতে, নগৰীয়া যাতায়তৰ বাবে এই ই-বাইকটোৱেই উত্তম বিকল্প। কাৰণ যিকোনো ধৰণৰ ৰাস্তাত এই বাইকখন চলোৱাটো অতি সুবিধাজনক আৰু আৰামদায়ক।
৫০০ৰো অধিক হিৰো ইলেক্ট্ৰিক ডিলাৰশ্বিপত উপলব্ধ হ’ব নতুন ই-বাইক। এগু লিৰ মূল্য আৰম্ভ হ’ব ৫৭,৫৬০ টকাৰ পৰা। অৱশ্যে বিশেষকৈ পৰিস্থিতিত দাম কমিব পাৰে বুলি কোম্পানীটোৱে কৈছে। প্ৰয়োজন হ’লে ওচৰৰ হিৰো ইলেক্ট্ৰিক ডিলাৰৰ সৈতে পৰীক্ষা কৰক। এই বাইকখন আপোনাৰ দৈনন্দিন অফিচ বা সৰু সৰু কামৰ বাবে উপযুক্ত সংগী হ’ব পাৰে।