৯০০ টকাত গেছ কিনি ৩০০ টকা ঘূৰাই পাওক এনেকৈ

Application form for Ujala Gas – দুৰ্গা পূজাৰ পূৰ্বে হ্ৰাস পাইছিল দাম। তেতিয়াৰ পৰা মাত্ৰ ৬০০ টকাত LPG চিলিণ্ডাৰ উপলব্ধ। কেন্দ্ৰীয় পেট্ৰলিয়াম মন্ত্ৰী হৰদীপ সিং পুৰীয়ে সংসদৰ শীতকালীন অধিৱেশনত ঘোষণা কৰে যে আগন্তুক দিনতো এই সুবিধা অব্যাহত থাকিব। কিন্তু আপুনি সুধিব পাৰে, ইমান সস্তাত কোনে পাইছে ৰন্ধন গেছ ?

উজ্জ্বলা যোজনাৰ গ্ৰাহকে দুৰ্গা পূজাৰ পূৰ্বে মাত্ৰ ৬০০ টকাত ১৪.২ কেজি LPG চিলিণ্ডাৰ লাভ কৰিছিল। ইয়াৰ পূৰ্বে কেন্দ্ৰীয় চৰকাৰে ৰন্ধন গেছৰ চিলিণ্ডাৰৰ মূল্য ৫০ টকা হ্ৰাস কৰাৰ কথা ঘোষণা কৰিছিল। যি সুবিধা সকলোৱে পাই আছে। বৰ্তমান প্ৰায় ৯০০ টকাত ৰন্ধন গেছ উপলব্ধ।

কিন্তু ৰাজ্যভেদে ইয়াৰ মূল্য সামান্য ভিন্নতা থাকে। উদাহৰণস্বৰূপে পশ্চিম বংগৰ সাধাৰণ গ্ৰাহকে বৰ্তমান ৯২৯ টকাত ৰন্ধন গেছৰ চিলিণ্ডাৰ ক্ৰয় কৰিছে। এমাহৰ পাছত চৰকাৰে উজ্জ্বলা যোজনাৰ গ্ৰাহকৰ বাবে আৰু ৩০০ টকা ৰাজসাহায্য দিয়াৰ কথা ঘোষণা কৰে। ফলত উজ্জ্বলা যোজনাৰ LPG চিলিণ্ডাৰৰ মূল্য ৬০০ টকালৈ নামি আহিছে। বৰ্তমান বংগৰ উজ্জাৱালা যোজনাৰ গ্ৰাহকে ৬২৯ টকাত ৰন্ধন গেছৰ চিলিণ্ডাৰ ক্ৰয় কৰিছে।

মন কৰিবলগীয়া যে দৰিদ্ৰ পৰিয়ালৰ মহিলাসকলৰ স্বাস্থ্য উন্নত কৰাৰ লগতে পৰিৱেশত কাৰ্বন নিৰ্গমন হ্ৰাস কৰাৰ উদ্দেশ্যে ২০১৬ চনত কেন্দ্ৰীয় চৰকাৰে প্ৰধানমন্ত্ৰী উজ্জ্বলা যোজনা আৰম্ভ কৰিছিল। সেই আঁচনিৰ অধীনত দৰিদ্ৰ পৰিয়ালৰ মহিলাসকলক ৰাজসাহায্যযুক্ত ৰন্ধন গেছৰ চিলিণ্ডাৰ প্ৰদান কৰা হয়। বৰ্তমান কেন্দ্ৰীয় চৰকাৰে নিৰ্দেশ দিছে যে উজ্জ্বলা যোজনাৰ গ্ৰাহকে ৩১ ডিচেম্বৰৰ ভিতৰত বায়’মেট্ৰিক আপডেট কৰিব লাগিব। অন্যথা ৰন্ধন গেছৰ চিলিণ্ডাৰৰ ৰাজসাহায্য বন্ধ হৈ যাব।

সংসদলৈ দিয়া এক বিবৃতিত কেন্দ্ৰীয় পেট্ৰলিয়াম মন্ত্ৰীগৰাকীয়ে কয় যে বৰ্তমান দেশত LPG চিলিণ্ডাৰ ব্যৱহাৰকাৰীৰ সংখ্যা ৩৩ কোটি। ইয়াৰে ১০ কোটি উজ্জ্বলা যোজনাৰ গ্ৰাহক। অৰ্থাৎ দেশৰ LPG ব্যৱহাৰকাৰীৰ প্ৰায় এক তৃতীয়াংশই কেন্দ্ৰীয় চৰকাৰৰ অতিৰিক্ত ৰাজসাহায্যৰে প্ৰায় ৬০০ টকা মূল্যত গেছ চিলিণ্ডাৰ ক্ৰয় কৰি আছে। মন্ত্ৰী হৰদীপ সিং পুৰীয়ে লগতে কয় যে অহা তিনি বছৰত উজ্জ্বলা যোজনাৰ অধীনত আৰু ৭৫ লাখ লোকক গেছ সংযোগ প্ৰদান কৰা হ’ব।

উজ্জ্বলা যোজনাৰ ধন ৰাজসাহায্যৰ বাবে তলত দিয়া ধৰণে আবেদন কৰক –

(১) উজ্জ্বলা যোজনাত নামভৰ্তিৰ বাবে www.pmuy.gov.in ৱেবছাইটত যাওক।

(২) তাত Apply for PMUY Connection বিকল্পত ক্লিক কৰক।

(৩) এতিয়া প্ৰথমে যিটো কোম্পানীৰ পৰা সেৱা ল’ব বিচাৰে তাৰ নামটো বাছি লওক। তাৰ পিছত প্ৰয়োজনীয় নথি-পত্ৰ আপলোড কৰক।

(৪) যদি আপুনি যোগ্য হয় তেন্তে কেইদিনমানৰ ভিতৰতে আপোনাৰ নাম উজ্জ্বলা যোজনাত আহিব।

মনত ৰাখিব যে উজ্জ্বলা যোজনাৰ গ্ৰাহকেও গেছ চিলিণ্ডাৰটো তুলিবলৈ ৯০০ টকা মূল্য দিব লাগিব। পিছত কেন্দ্ৰই তেওঁলোকৰ বেংক একাউণ্টলৈ ৰাজসাহায্য হিচাপে ৩০০ টকা প্ৰেৰণ কৰিব।