Become rich with just 5000 rupees SIP: জীৱনত আৰ্থিকভাৱে সুখী হ’বলৈ উপাৰ্জনৰ লগতে সঞ্চয় কৰাটো অতি প্ৰয়োজনীয়। প্ৰতিমাহে উপাৰ্জন কৰা ধনৰ এটা অংশ সঞ্চয় কৰিলে ভৱিষ্যতে আপোনাৰ আৰ্থিক অৱস্থা উন্নত হ’ব। মাহে মাত্ৰ ৫০০০ টকা এছ আই পি দি কোটিপতি হব পাৰিব। কিমান সময় লাগিব আপোনাক? আৰু ক’ত বিনিয়োগ কৰিব ? এই বিষয়ে আজি এই লেখাটোত অধিক জানিব পাৰিব।
SIP কি ?
SIP-ৰ সম্পূৰ্ণ নাম হৈছে চিষ্টেমেটিক ইনভেষ্টমেণ্ট প্লেন (SIP), ই হৈছে ধন বিনিয়োগৰ এক পদ্ধতি। যিকোনো মিউচুৱেল ফাণ্ডত ইয়াৰ সহায়ত আপুনি এটা নিৰ্দিষ্ট পৰিমাণৰ ধন অবিৰতভাৱে জমা কৰিব পাৰে। মাহে ৫০০ টকাৰ পৰা SIP আৰম্ভ কৰিব পাৰিব।
SIP ৰ বাবে ভাল মিউচুৱেল ফাণ্ড কেনেকৈ বাছি ল’ব ?
ভাল ৰিটাৰ্ণ পাবলৈ আপুনি এটা ভাল আৰু নিৰ্ভৰযোগ্য মিউচুৱেল ফাণ্ডত SIP কৰিব লাগে। ভুল মিউচুৱেল ফাণ্ডত বিনিয়োগ কৰিলে আপোনাৰ ধনৰ ক্ষতি হ’ব পাৰে। যিকোনো মিউচুৱেল ফাণ্ডত বিনিয়োগ কৰাৰ আগতে ফাণ্ডটোৰ অতীতৰ ৰিটাৰ্ণ পৰীক্ষা কৰক। লগতে মনত ৰাখিব যে মিউচুৱেল ফাণ্ডটো হেল্থ ট্ৰাষ্টে পৰিচালনা কৰিব লাগে। যদি আপুনি এটা ভাল মিউচুৱেল ফাণ্ডত বিনিয়োগ কৰে তেন্তে আপুনি নূন্যতম বাৰ্ষিক ৰিটাৰ্ণ ১৫% আশা কৰিব পাৰে।
৫ হাজাৰ টকাৰ SIP কৰিলে কোটিপতি হ’বলৈ কিমান সময় লাগিব ?
মাহে মাত্ৰ ৫০০০ টকা SIP লৈ কোটিপতি হোৱাটো অবাস্তৱ যেন লাগিব পাৰে কিন্তু সেয়া সম্ভৱ। ইয়াৰ বাবে দীৰ্ঘদিন বিনিয়োগ কৰিব লাগিব। যদি আপুনি প্ৰতিমাহে ৫০০০ টকা SIP কৰি নূন্যতম ১৫% ৰিটাৰ্ণ পায় তেন্তে ১ কোটি টকা পোৱাত ২২ বছৰ সময় লাগিব। ২৫ বছৰ ধৰি এছ আই পি চলালে মুঠ ১.৫ কোটি টকাৰ ওপৰত লাভ কৰিব। যদি আপুনি ২২ বছৰলৈ প্ৰতিমাহে ৫০০০ টকাৰ SIP কৰে তেন্তে আপোনাৰ মুঠ বিনিয়োগ ১৩.২ লাখ টকা হ’ব আৰু ১৫% বাৰ্ষিক সুতত আপুনি ৯০.৩ লাখ টকাৰ সুত পাব। অৰ্থাৎ ২২ বছৰৰ পাছত ১ কোটি টকাৰ মালিক হ’ব। আৰু যদি আপুনি ২৫ বছৰ SIP চলাই থাকে তেন্তে আপুনি ১.৬ কোটি টকাৰ মালিক হ’ব।
Disclaimer: এই আর্টিকেলটো কেৱল শিক্ষাৰ উদ্দেশ্যে লিখা হৈছে। বিত্তীয় বাৰ্তাই কাকো বিনিয়োগ কৰিবলৈ উৎসাহিত বা বাধ্যতামূলক নকৰে। বিনিয়োগ কৰাৰ আগতে আপোনাৰ বিত্তীয় উপদেষ্টাৰ পৰামৰ্শ লওক। বিনিয়োগৰ ফলত আপুনি হোৱা কোনো আৰ্থিক লোকচানৰ বাবে ফাইনেন্স বার্তাই কোনো কাৰণতে দায়ী নহ’ব।
1 thought on “মাত্ৰ ৫০০০ টকাৰ SIP কৰিলে কোটিপতি হ’বলৈ কিমান সময় লাগিব ?”