বৰ্তমান ভাৰতৰ বেছিভাগ ঠাইতে অনলাইন বিত্তীয় লেনদেন বৃদ্ধি পাইছে। আকৌ এই অনলাইন বিত্তীয় লেনদেনত UPI আটাইতকৈ জনপ্ৰিয় হৈ পৰিছে। অতি কম সময়ত আৰু সহজে বিত্তীয় লেনদেন কৰাৰ সুযোগ পোৱাৰ বাবে এই সেৱা দিনক দিনে জনপ্ৰিয় হৈ আহিছে। আৰু এইবাৰ ভাৰতীয় ৰিজাৰ্ভ বেংকে এই নতুন সেৱাৰ বাবে এটা ডাঙৰ পৰিকল্পনা ল’বলৈ ওলাইছে। ডাঙৰ পৰিকল্পনাত ব্যৱহাৰকাৰীয়ে অধিক সুবিধা লাভ কৰিব।
ভাৰতৰ দৰে দেশত UPI সেৱাৰ ব্যৱহাৰ বৃদ্ধি পোৱাৰ বাবে এন পি চি আইৰ অনুমোদনৰ ক্ষেত্ৰত UPI সেৱা আগবঢ়োৱা বহু কোম্পানী আছে। লগতে তাত থকা সকলো বেংকেও নিজৰ এপৰ জৰিয়তে UPI সেৱা আগবঢ়ায়। কিন্তু এই UPI এপসমূহৰ ভিতৰত PhonePe, GPay, Amazon আদি জনপ্ৰিয় হৈ পৰিছে।
লগতে চাওক – চৰকাৰৰ নতুন নিৰ্দেশনা, আধাৰ-পান কাৰ্ড লৈ, নাজানিলে বিপদত পৰিব পাৰে !
UPI ব্যৱহাৰৰ বাবে উপলব্ধ সকলো থাৰ্ড পাৰ্টি এপেই মূলতঃ বেংক একাউণ্ট, ক্ৰেডিট কাৰ্ড আদি লিংক কৰিব পাৰে। কিন্তু বৰ্তমান অনলাইনত থকা সকলো অনলাইন ৱাৰলেট এই এপবোৰৰ পৰা ব্যৱহাৰ কৰিব নোৱাৰিব। কিন্তু দেখা যায় যে বহু সময়ত সেই অনলাইন ৱালেটবোৰত বহুত টকা থাকে। যাৰ বাবে ব্যৱহাৰকাৰীসকলে মানিবেগত থকা ডাঙৰ টকাখিনি ব্যৱহাৰ কৰিব নোৱাৰি বহু ক্ষেত্ৰত সমস্যা বা অসুবিধাৰ সন্মুখীন হয়।
শেহতীয়াকৈ ভাৰতীয় ৰিজাৰ্ভ বেংকে সেই অনলাইন ৱালেট ফাণ্ডসমূহ থাৰ্ড পাৰ্টি UPI এপৰ জৰিয়তেও উপলব্ধ কৰাৰ পৰিকল্পনা কৰিছে। সূত্ৰ অনুসৰি ভাৰতীয় ৰিজাৰ্ভ বেংকে মূলতঃ UPI সেৱাক অধিক জনপ্ৰিয় কৰাৰ বাবে এনে পৰিকল্পনা গ্ৰহণ কৰিছে। য’ত পিপিআই একাউণ্টধাৰীয়ে বিশেষ সুবিধা লাভ কৰিব।
ভাৰতীয় ৰিজাৰ্ভ বেংকে সেই থাৰ্ড পাৰ্টি UPI এপসমূহৰ সৈতে পিপিআই ব্যৱস্থাটো একত্ৰিত কৰি অনলাইন ৱালেটত থকা ধনখিনি ব্যৱহাৰ কৰাৰ পৰিকল্পনা গ্ৰহণ কৰিছে। ফলত অনলাইন ৱালেট থকা বহু গ্ৰাহকে নিজৰ ৱালেটক নিজৰ পছন্দৰ ইউপিআই থাৰ্ড পাৰ্টি এপৰ সৈতে লিংক কৰি পেমেণ্ট কৰাৰ সুবিধা লাভ কৰিব। অৱশ্যে এই সুবিধা কেতিয়া মুকলি কৰা হ’ব সেয়া এতিয়াও জানিব পৰা হোৱা নাই।