মিউচুৱেল ফাণ্ডত বিনিয়োগ কৰাৰ আগতে এই গুৰুত্বপূৰ্ণ কথা জানক !

ভাল মিউচুৱেল ফাণ্ডত বিনিয়োগ কৰিলে যিকোনো বেংকৰ এফ ডিৰ পৰা ভাল পৰিমাণৰ ৰিটাৰ্ণ পাব। গতিকে মিউচুৱেল ফাণ্ড বিনিয়োগৰ বাবে এটা ভাল বিকল্প হ’ব পাৰে। যিকোনো মিউচুৱেল ফাণ্ডত বিনিয়োগ কৰাৰ আগতে আপুনি কিছুমান গুৰুত্বপূৰ্ণ কথা মনত ৰাখিব লাগিব। যেনে: এগজিট লোড বা মাচুল, লক-ইনৰ সময়, মিউচুৱেল ফাণ্ডৰ ওপৰত কৰ আৰু দীৰ্ঘম্যাদী বিনিয়োগ বৃদ্ধি কৰিব নে নহয়। এই বিষয়ে অধিক জানিবলৈ সম্পূৰ্ণ লেখাটো পঢ়ক –

মিউচুৱেল ফাণ্ডত বিনিয়োগ কৰাৰ আগতে এইবোৰ কথা মনত ৰাখিব (Mutual Funds Tips)

ষ্টক মাৰ্কেটৰ প্ৰত্যক্ষ সংস্পৰ্শ নোহোৱাকৈ ষ্টক মাৰ্কেটত বিনিয়োগ কৰিবলৈ মিউচুৱেল ফাণ্ড এটা ভাল বিকল্প। মিউচুৱেল ফাণ্ডত বিনিয়োগ কৰাটো কেৱল ভাল ৰিটাৰ্ণ দিয়া মিউচুৱেল ফাণ্ড বাছি লোৱাই নহয়, কিছুমান গুৰুত্বপূৰ্ণ কথাও মনত ৰাখিব লাগিব। সেইবোৰ হ’ল-

১/ এক্সিট লোড বা ফি (Exit Load/Fee)

যদি আপুনি মিউচুৱেল ফাণ্ডৰ পৰা ধন উলিয়াব বিচাৰে অৰ্থাৎ মিউচুৱেল ফাণ্ডৰ পৰা ওলাই আহিব বিচাৰে তেন্তে তাৰ বাবে চাৰ্জ দিব লাগিব। যাক সেই মিউচুৱেল ফাণ্ডৰ এগজিট লোড বা মাচুল বোলা হয়। প্ৰতিটো মিউচুৱেল ফাণ্ডৰ বাবে ধনৰাশি বেলেগ বেলেগ হ’ব পাৰে। গতিকে যিকোনো মিউচুৱেল ফাণ্ডত বিনিয়োগ কৰাৰ আগতে ইয়াৰ এক্সাইট লোড বা মাচুল পৰীক্ষা কৰিব লাগে।

লক-ইনৰ সময়সীমা (Lock-in Period)

মিউচুৱেল ফাণ্ড লগইন পিৰিয়ড হৈছে এটা নিৰ্দিষ্ট সময় পিৰিয়ড যাৰ আগতে আপুনি মিউচুৱেল ফাণ্ডৰ পৰা ওলাই আহিব নোৱাৰে। মিউচুৱেল ফাণ্ডত লক-ইনৰ সময়সীমা এবছৰ, দুবছৰ, তিনিবছৰ বা তাতোকৈ অধিক হ’ব পাৰে। লগতে বহুতো মিউচুৱেল ফাণ্ডৰ কোনো লক-ইন পিৰিয়ড নাথাকে, গতিকে আপুনি যেতিয়াই বিচাৰে তেতিয়াই ইয়াৰ পৰা ওলাই যাব পাৰে। যিকোনো মিউচুৱেল ফাণ্ডত বিনিয়োগ কৰাৰ আগতে ইয়াৰ লক-ইন পিৰিয়ড পৰীক্ষা কৰিব লাগে।

আৰু পঢ়ক – SBI ৰ ই-মুদ্ৰা ঋণ, ব্যৱসায় কৰাৰ বাবে ১ লাখ টকাৰ ঋণ !

৩/ মিউচুৱেল ফাণ্ডৰ ওপৰত কৰ (Tax on Mutual Funds)

মিউচুৱেল ফাণ্ডত বিনিয়োগ কৰা ধনৰ ওপৰত কৰ (TAX) দিব লাগিব। লাভৰ সময়ৰ ওপৰত ভিত্তি কৰি এই কৰক দুটা ভাগত ভাগ কৰিব পাৰি –

হ্ৰস্বম্যাদী মূলধনী লাভ: যদি আপুনি এবছৰৰ ভিতৰত মিউচুৱেল ফাণ্ডৰ পৰা ওলাই যায় তেন্তে আপোনাৰ লাভৰ ওপৰত ১৫ শতাংশ হাৰত কৰ আৰোপ কৰা হ’ব। এই কৰক হ্ৰস্বম্যাদী মূলধনী লাভৰ কৰ বোলা হয়।

দীৰ্ঘম্যাদী মূলধনী লাভ: যদি আপুনি মিউচুৱেল ফাণ্ড এবছৰতকৈ অধিক সময় ধৰি ৰাখে তেন্তে আপোনাৰ লাভৰ ওপৰত ১০ শতাংশ হাৰত কৰ আৰোপ কৰা হ’ব। অৱশ্যে এই কৰত এটা সীমাবদ্ধতা আছে। যদি আপোনাৰ লাভ ১ লাখ টকাতকৈ বেছি হয়, তেন্তে ১ লাখ টকাৰ ওপৰত কোনো কৰ দিব নালাগে। বাকী লাভৰ ওপৰত ১০ শতাংশ হাৰত কৰ আৰোপ কৰা হ’ব।

৪/ দীৰ্ঘম্যাদী বিনিয়োগ (Long Term Investment)

মিউচুৱেল ফাণ্ডত বিনিয়োগ কৰাৰ আগতে নিশ্চিত হওক যে আপুনি দীৰ্ঘদিনলৈ বিনিয়োগ কৰিব পাৰিব। কাৰণ শ্বেয়াৰ বজাৰত উঠা-নমা দেখাটো স্বাভাৱিক। গতিকে যদি আপুনি ভাল পৰিমাণৰ লাভ কৰিব বিচাৰে তেন্তে আপুনি দীৰ্ঘম্যাদী বাবে বিনিয়োগ কৰিব লাগিব। মিউচুৱেল ফাণ্ডৰ পৰা উচ্চ ৰিটাৰ্ণ পাবলৈ কমেও ৪-৫ বছৰ বিনিয়োগ কৰক। ইমানখিনি নোৱাৰিলে অন্তত ২-৩ বছৰ বিনিয়োগ কৰিব পাৰিব।