ডাকঘৰ নে SBI, ক’ত টকা জমা কৰিলে অধিক লাভ হয় ? সহজ হিচাপটো জানি লওক

বহুতে ডাকঘৰ বা বেংকৰ আৰ ডি খণ্ডত ধন বিনিয়োগ কৰে আৰু ই সঞ্চয়ৰ বাবে অন্যতম উত্তম বিকল্প। RD যদি আপুনি প্ৰতিমাহে এটা নিৰ্দিষ্ট ধন জমা কৰে, তেন্তে বিনিময়ত আপোনাক আপোনাৰ জমা ধনৰ ওপৰত নিৰ্দিষ্ট সুত দিয়া হয়।

ভাৰতৰ প্ৰায় সকলো ৰাজহুৱা আৰু ব্যক্তিগত বেংকৰ উপৰিও ডাকঘৰৰ পৰাও RD সুবিধা প্ৰদান কৰা হয়। এনে পৰিস্থিতিত ভাৰতৰ সৰ্ববৃহৎ বেংক ষ্টেট বেংক (SBI) আৰু ডাকঘৰে আগবঢ়োৱা RD আঁচনিৰ মাজৰ পৰা কোনটো বাছি ল’ব লাগে সেই বিষয়ে জানো আহক –

SBI RD আঁচনি –
SBI গ্ৰাহকক ১ বছৰৰ পৰা ১০ বছৰলৈকে RD সুবিধা আগবঢ়াইছে। বৰ্তমান ই সাধাৰণ গ্ৰাহকক ৬.৫ শতাংশৰ পৰা ৭ শতাংশ আৰু জ্যেষ্ঠ নাগৰিকক ৭ শতাংশৰ পৰা ৭.৫ শতাংশ সুত আগবঢ়াইছে। SBI গ্ৰাহকক ১ বছৰৰ পৰা ২ বছৰতকৈ কম সময়ৰ ভিতৰত সাধাৰণ নাগৰিকৰ বাবে ৬.৮০ শতাংশ আৰু জ্যেষ্ঠ নাগৰিকৰ বাবে ৭.৩০ শতাংশ সুতৰ হাৰ প্ৰদান কৰে।

ডাকঘৰৰ RD আঁচনি –
ডাকঘৰৰ RD আঁচনিৰ মেচিউৰিটি ৫ বছৰৰ সৈতে আহে। ইয়াত নূন্যতম ১০০ টকা বিনিয়োগ কৰিব পাৰিব। অৱশ্যে জ্যেষ্ঠ নাগৰিকে অতিৰিক্ত সুতৰ সুবিধা নাপায়। ডাকঘৰৰ ৫ বছৰীয়া FD সুত ৬.৫ শতাংশ। ডাকঘৰত দিয়া সুতৰ ওপৰত TDS কৰ্তন কৰা হয়। ইয়াৰ ওপৰত ১০ শতাংশ হাৰত TDS কৰ্তন কৰা হয়। ডাকঘৰৰ RD আঁচনিত ১০ হাজাৰ টকাৰ অধিক হ’লে TDS কৰ্তন কৰা হয়।