সংগী বাছনি কৰাত সকলোৱে অতি সাৱধান। বিশেষকৈ মহিলাসকলে সংগী বাছনি কৰাত অতি নিখুঁত। তেওঁলোকৰ পচন্দ-অপছন্দ বুজি পোৱাটো বৰ টান। গতিকে মহিলাসকলে সংগীৰ মাজত কি কি গুণ বেছি ভাল পায় বা কিহে তেওঁলোকক আনৰ প্ৰতি বেছি আকৰ্ষণ কৰে সেই প্ৰশ্নটো এটা যুগ যুগ ধৰি চলি অহা প্ৰশ্ন।
কবি, দাৰ্শনিকৰ পৰা আৰম্ভ কৰি সাধাৰণ মানুহলৈকে বহুতে এই প্ৰশ্নৰ উত্তৰ নিজা ধৰণেৰে দিবলৈ চেষ্টা কৰিছে। কিন্তু এই বিষয়ে বিজ্ঞানে কি কয় জানেনে?
জাৰ্মান বিশ্ববিদ্যালয়ৰ সমাজবিজ্ঞানীসকলে বিশ্বৰ ভিতৰতে এটা বৃহৎ সমীক্ষাৰ আয়োজন কৰিছিল যাতে মহিলাসকলে নিজৰ সংগীৰ মাজত কি কি বস্তু বেছিকৈ চাব বিচাৰে। ১৮০খন দেশৰ ৬৪ হাজাৰ লোকৰ ওপৰত কৰা এই সমীক্ষাত কোৱা হৈছে যে শাৰীৰিক স্বাস্থ্য বা ধন-সম্পত্তি নহয়, বৰঞ্চ সংগীৰ উদাৰতা বা দয়াইহে মহিলাক আটাইতকৈ বেছি আকৰ্ষণ কৰে।
কেৱল বিষমযৌন মহিলাই নহয়, সমকামী আৰু হিজড়াসকলেও এই সমীক্ষাত অংশগ্ৰহণ কৰিছিল। অংশগ্ৰহণকাৰী মহিলাসকলৰ ভিতৰত ৪০,৬০০ গৰাকীৰ বয়স ১৮ৰ পৰা ২৪ বছৰৰ ভিতৰত।
সমীক্ষাত অংশগ্ৰহণ কৰা প্ৰায় ৯০ শতাংশই কয় যে তেওঁলোকে এজন সংগীৰ মাজত আটাইতকৈ বেছি চাব বিচৰা গুণটো হ’ল দয়া। এই তালিকাৰ দ্বিতীয় আৰু তৃতীয় স্থানত আছে সহানুভূতি আৰু বুদ্ধিমত্তা। ক্ৰমে ৮৬.৫ আৰু ৭২ শতাংশ মহিলাই নিজৰ সংগীৰ মাজত এই গুণবোৰ চাব বিচাৰে।
সমীক্ষাৰ তথ্যত এইটোও কোৱা হৈছে যে ৬৪ শতাংশ মহিলাই শিক্ষাগত অৰ্হতা পছন্দ কৰে আৰু প্ৰায় ৬০ শতাংশ মহিলাই আত্মবিশ্বাসী পুৰুষক পছন্দ কৰে। কিন্তু মনত ৰাখিব প্ৰতিজন ব্যক্তি বেলেগ বেলেগ আৰু তেওঁলোকৰ সম্পৰ্কৰ ভিত্তিও বেলেগ বেলেগ। গতিকে এনে কোনো জৰীপ সদায় সত্য বুলি বিবেচনা কৰাটো ভাল নহয়।