Follow the 6 principles of Chankya to get good results in exams, পণ্ডিত চাণক্যই ছাত্ৰ-ছাত্ৰীৰ মন ভালদৰে বুজি পাইছিল। তেওঁৰ মতে জীৱনৰ সৰ্বোত্তম সময় হ’ল ছাত্ৰ জীৱন। মানুহৰ ভৱিষ্যতৰ ভেটি গঢ় লৈ উঠে এই সময়ত। গতিকে এই সময়খিনি সাৱধানে কটালে ভৱিষ্যত সুৰক্ষিত হ’ব। যদি ছাত্ৰ জীৱন ভালদৰে কটাব নোৱাৰে তেন্তে বাকী জীৱনটোও সংকটেৰে ভৰি পৰিব।
চাণক্যৰ নীতিত ছাত্ৰ-ছাত্ৰীৰ বাবে কিছুমান বিশেষ উপায়ৰ কথা উল্লেখ কৰা হৈছে। এই নীতিসমূহ পালন কৰিলে ছাত্ৰ-ছাত্ৰীয়ে প্ৰতিটো পৰীক্ষাতে ভাল ফলাফল লাভ কৰিব পাৰে।
চাণক্যৰ নীতিত ছাত্ৰ-ছাত্ৰীৰ বাবে কিছুমান বিশেষ উপায়ৰ কথা উল্লেখ কৰা হৈছে। এই নীতিসমূহ পালন কৰিলে ছাত্ৰ-ছাত্ৰীয়ে প্ৰতিটো পৰীক্ষাতে ভাল ফলাফল লাভ কৰিব পাৰে। পৰীক্ষাৰ প্ৰস্তুতিৰ বাবে চাণক্যই নিৰ্ধাৰণ কৰা নীতিসমূহ হৈছে –
লক্ষ্যত মনোনিৱেশ কৰক:
যিকোনো পৰীক্ষাত সফল হ’বলৈ হ’লে সদায় সেই লক্ষ্যত মনোনিৱেশ কৰি থাকিব লাগে। লক্ষ্যৰ পৰা কেতিয়াও বিচ্যুত নহ’ব। ছাত্ৰ-ছাত্ৰীসকলেও নিজৰ লক্ষ্যত সম্পূৰ্ণ মনোনিৱেশ কৰিব লাগে। চাণক্যৰ মতে ছাত্ৰ-ছাত্ৰীৰ এটাই লক্ষ্য থাকিব লাগে। সেয়া হ’ল ভাল শিক্ষা আৰু জ্ঞান আহৰণ কৰা।
পৰীক্ষাৰ সময়ত মোবাইল, ছ’চিয়েল মিডিয়া আদি বিষয়ক আওকাণ কৰি একাগ্ৰতাৰে পঢ়া উচিত। সেইটোৱেই পৰীক্ষাত সফলতা দিব।
এটা ৰুটিন বনাওক:
পৰীক্ষাৰ আগতে পঢ়াৰ বাবে এটা ৰুটিন বনাব লাগিব। পঢ়া-শুনা কৰক মাজতে বিৰতি ল’ব। অবিৰতভাৱে পঢ়িলে ভাগৰ লাগিব। এটা বিষয় অধ্যয়ন কৰিবলৈ এটা নিৰ্দিষ্ট সময় নিৰ্ধাৰণ কৰক।
শৰীৰৰ যত্ন লওক:
পঢ়া-শুনাৰ বাবে সুস্থ শৰীৰ আৰু সুস্থ মন দুয়োটা অপৰিহাৰ্য। আৰু শৰীৰটো সুস্থ কৰি ৰাখিবলৈ পুষ্টিকৰ খাদ্য আৰু স্বাস্থ্যসন্মত জীৱনশৈলীৰ প্ৰয়োজন। ছাত্ৰ-ছাত্ৰীসকলে নিজৰ শৰীৰৰ প্ৰতি অধিক যত্ন লোৱা উচিত। মনত ৰাখিব এবাৰ বেমাৰ হ’লে বহু দিন নষ্ট হ’ব। যিটো পৰীক্ষাৰ সময়ত অতি ক্ষতিকাৰক।
এলাহ কাটিবলৈ:
চাণক্যৰ মতে ছাত্ৰ-ছাত্ৰীৰ ভৱিষ্যত সফলতা পঢ়া-শুনা কঠোৰ পৰিশ্ৰমতে নিহিত হৈ থাকে। পঢ়া-শুনাৰ আটাইতকৈ ডাঙৰ শত্ৰু হৈছে এলাহ। ছাত্ৰ-ছাত্ৰীৰ সফলতাৰ বাটত এলাহ বাধাৰ সৃষ্টি কৰে। গতিকে ছাত্ৰ-ছাত্ৰীসকলে এলাহ পৰিহাৰ কৰি প্ৰতিটো কাম সময়মতে সম্পূৰ্ণ কৰিব লাগে। পৰীক্ষাৰ আগৰ প্ৰতিটো মুহূৰ্ত অতি মূল্যৱান। গতিকে সময় নষ্ট নকৰাকৈ ইয়াৰ সুবিধা লোৱা উচিত।
মানসিক চাপ ক্ষতিকাৰক:
বহু সময়ত শিশুৱে বিফলতাৰ ভয়ত মানসিক চাপত ভুগিবলগীয়া হয়। ফলত তেওঁলোকে অধ্যয়নত সঠিকভাৱে মনোনিৱেশ কৰিব নোৱাৰে। অভিভাৱকসকলে শিশুসকলক উৎসাহিত কৰিব লাগে, ভালদৰে বুজিব লাগে আৰু তেওঁলোকৰ কাষত থাকিব লাগে। যাতে শিশুসকলে মুক্ত মনেৰে আৰু কোনো সংকোচ নকৰাকৈয়ে অধ্যয়ন কৰিব পাৰে।