কৃষকৰ সকলো সমস্যা সমাধান আৰু কৃষকক স্বাৱলম্বী কৰি তোলাৰ বাবে আজিকালি কিষাণ ক্ৰেডিট কাৰ্ড অতি গুৰুত্বপূৰ্ণ বস্তু হৈ পৰিছে। শস্য খেতিৰ বাবে নাঙল কিনা বা খেতিৰ বাবে বীজ কিনাৰ বাবে ই এক অতি উপযোগী আঁচনি। বৰ্তমান কেন্দ্ৰীয় চৰকাৰে কিষাণ ক্ৰেডিট কাৰ্ড আঁচনি চলাই আছে। ইয়াৰ অধীনত আপুনি SBI বা আন যিকোনো বেংকত গৈ একাউণ্ট খুলিব পাৰিব। ইয়াৰ ভিতৰত কৃষকক ঋণ ল’বলৈ তিনি লাখ টকা দিয়া হব’।
কৃষি আৰু কৃষক কল্যাণ মন্ত্ৰীগৰাকীয়ে টুইটাৰযোগে ঘোষণা কৰে যে এই ক্ৰেডিট কাৰ্ড আঁচনি গ্ৰহণ কৰি কৃষকসকলে তেওঁলোকৰ সকলো প্ৰয়োজনীয় সামগ্ৰী ঋণত ক্ৰয় কৰিব পাৰিব। এই একাউণ্টে অন্যান্য প্ৰয়োজনৰ বাবে বেংকিং প্ৰক্ৰিয়াৰ জৰিয়তে কম সুতৰ ঋণ প্ৰদান কৰে। কৃষকসকলে আজি ওচৰৰ শাখাত গৈ কিষাণ ক্ৰেডিট কাৰ্ড একাউণ্ট খুলিব পাৰিব। কৃষকসকলক স্বাৱলম্বী কৰি সস্তা সুতৰ হাৰত ঋণ প্ৰদানৰ বাবে এই আঁচনিখন আৰম্ভ কৰা হৈছে।
এই আঁচনিৰ অধীনত কৃষকে সৰ্বোচ্চ ৭ শতাংশ সুতৰ হাৰত ৩ লাখ টকা পৰ্যন্ত ঋণ ল’ব পাৰিব। সময়মতে ঋণ পৰিশোধ কৰা কৃষকসকলক চৰকাৰে আৰু ৩ শতাংশ সুতৰ হাৰত ৰেহাই দিব। অৰ্থাৎ মাত্ৰ ৪ শতাংশ সুতত তিনি লাখ টকা পৰ্যন্ত ঋণ ল’ব পাৰিব। ১৮ৰ পৰা ৭৫ বছৰৰ ভিতৰৰ যিকোনো কৃষকে এই আঁচনিৰ জৰিয়তে ঋণ ল’ব পাৰিব। এই ঋণ আপুনি বিভিন্ন কৃষি কামৰ বাবে ল’ব পাৰে। ইয়াৰ বাবে আপুনি প্ৰধানমন্ত্ৰী কিষাণ পৰ্টেলৰ পৰা এই প্ৰ-পত্ৰ ডাউনলোড কৰি সকলো নথি-পত্ৰ ষ্টেট বেংকত জমা দিব লাগিব। বেংক অৱ বৰোদা আৰু অন্যান্য বেংকতো এই সুবিধা পাব।