বহু লোকে ধন বিনিয়োগ কৰিবলৈ বেংক আৰু ডাকঘৰৰ বিভিন্ন আঁচনিৰ ওপৰত নিৰ্ভৰ কৰে। ধন বিনিয়োগৰ বাবে এখন জনপ্ৰিয় আঁচনি হ’ল ফিক্সড ডিপ’জিট আঁচনি। যদি আপুনি এই আঁচনিখনত নিৰ্দিষ্ট সময়ৰ বাবে ধন বিনিয়োগ কৰে তেন্তে মেচিউৰিটিৰ সময়ত সুতৰ সৈতে বহু টকা উপাৰ্জন কৰা সম্ভৱ। কিন্তু এই আঁচনিখনত বিনিয়োগ কৰাৰ কেইবাটাও অসুবিধা আছে। গতিকে বিনিয়োগ কৰাৰ আগতে ফান্দবোৰ নিশ্চয় জানি লওক –
নিৰ্দিষ্ট সুতৰ হাৰ !
ফিক্সড ডিপ’জিট আঁচনিৰ সুতৰ হাৰ সদায় নিৰ্দিষ্ট, কেতিয়াও বৃদ্ধি নহয়। এই আঁচনিৰ অধীনত একাউণ্ট খোলাৰ সময়ত গ্ৰাহকে লাভ কৰা সুতৰ পৰিমাণো মেচিউৰিটিৰ সময়ত একে পৰিমাণৰ সুতৰ পৰিমাণ হ’ব।
কম ৰিটাৰ্ণ !
যিহেতু এই আঁচনিখনে নিৰ্দিষ্ট হাৰত সুত দিয়ে, গতিকে গ্ৰাহকে ফিক্সড ডিপ’জিট আঁচনিত ধন ৰাখিলে ষ্টক মাৰ্কেট বা মিউচুৱেল ফাণ্ডৰ দৰে অধিক ৰিটাৰ্ণৰ সুবিধা নাপায়।
লক ইন পিৰিয়ড !
ফিক্সড ডিপ’জিট আঁচনিত নিৰ্দিষ্ট লক-ইন সময়ৰ বাবে ধন বিনিয়োগ কৰি ৰখাটো জড়িত হৈ থাকে। অৰ্থাৎ ইয়াত টকা বিনিয়োগ কৰাৰ লগে লগে টকা তলা লগোৱা হয়। এই ধন জৰুৰীকালীন অৱস্থাত উলিয়াব নোৱাৰিব।
পেনাল্টি ব্যৱস্থা !
যদিহে আঁচনিখনত বিনিয়োগ কৰা ধন লক-ইনৰ সময়সীমাৰ ভিতৰত উলিওৱা হয় তেন্তে সংশ্লিষ্ট প্ৰতিষ্ঠানে গ্ৰাহকৰ ওপৰত জৰিমনা আৰোপ কৰে।
লগতে চাওক – বেংক একাউণ্টত কিমান টকা ৰাখিব পাৰিব ? RBI-য়ে জাৰি কৰিলে নিয়ম !
কৰ ব্যৱস্থা !
ফিক্সড ডিপ’জিটৰ ওপৰত উপাৰ্জন কৰা সুত কৰযোগ্য। আয়কৰ আইনৰ অধীনত অন্য উৎসৰ পৰা আয়ৰ শ্ৰেণীৰ ওপৰত ভিত্তি কৰি এই আঁচনিখনত উপাৰ্জন কৰা সুতৰ পৰা টিডিএছ কৰ্তন কৰা হয়।
দেউলীয়া হোৱাৰ অৱস্থা !
যদি কোনো কাৰণত সংশ্লিষ্ট বেংক ঋণহীন হৈ পৰে তেন্তে ইয়াৰ প্ৰভাৱ গ্ৰাহকৰ ফিক্সড ডিপ’জিট একাউণ্টত পৰে। এনে ক্ষেত্ৰত গ্ৰাহকৰ ধন সম্পূৰ্ণৰূপে বা আংশিকভাৱে ক্ষতিগ্ৰস্ত হয়।
মুদ্ৰাস্ফীতিৰ হাৰ !
যিকোনো বিত্তীয় বিনিয়োগৰ লাভ সদায় মুদ্ৰাস্ফীতিৰ হাৰৰ তুলনাত বেছি। কিন্তু ছিক্স ডিপ’জিটৰ ক্ষেত্ৰত ইয়াৰ হুবহু বিপৰীত দেখা যায়।