আজিকালি সময়ৰ লগত খাপ খুৱাই সকলো ক্ৰমান্বয়ে সলনি হৈছে। কেইবছৰমান আগলৈকে আমাৰ দেশত (ভাৰত) বৈদ্যুতিক বাহনৰ ব্যৱহাৰ বৰকৈ দেখা পোৱা নাছিল। কিন্তু এতিয়া এনে বাহনৰ ব্যৱহাৰ দ্ৰুতগতিত বৃদ্ধি পাইছে।
মূলতঃ ইন্ধনৰ মূল্যৰ পৰা হাত সাৰিবলৈ আৰু পৰিৱেশ প্ৰদূষণ হ্ৰাস কৰিবলৈ সকলোৱে ইভিৰ প্ৰতি আকৰ্ষিত হৈছে। এনে পৰিস্থিতিত চাহিদাৰ ওপৰত নিৰ্ভৰ কৰি বজাৰত নতুন বৈদ্যুতিক বাহন আহি আছে। অৱশ্যে এইবাৰ ওলাই কাৰ্যতঃ সকলোকে আচৰিত কৰি তুলিলে। কেৱল সেয়াই নহয়, ভাৰতীয় বজাৰত তেওঁলোকে এক বৃহৎ নজিৰ সৃষ্টি কৰিলে।
মূলতঃ এইবাৰ Self-Driving Electric Scooter সেই কোম্পানীয়ে ৰাজহুৱা কৰিছে। অৰ্থাৎ এই বৈদ্যুতিক স্কুটাৰখন চালক অবিহনে চলাবলৈ সক্ষম। হয়, এই কথা প্ৰথমতে শুনি বিশ্বাস কৰিব নোৱাৰা যেন লাগে, কিন্তু ইতিমধ্যে ওলাৰ চিইঅ’ ভৱিষ আগৰৱালে মঙলবাৰে নেটত চেল্ফ ড্ৰাইভিং ইলেক্ট্ৰিক স্কুটাৰৰ ভিডিঅ’ আগবঢ়াইছে।
এই প্ৰসংগত ওলাই যোৱা সোমবাৰে অৰ্থাৎ ১ এপ্ৰিলত ভাৰতৰ প্ৰথমখন স্বয়ংচালিত ইলেক্ট্ৰিক স্কুটাৰ ঘোষণা কৰে। যাৰ নাম “অলা ছ’লো”। কিন্তু যিহেতু এই ঘোষণা সেইদিনা ওলাইছিল, সেয়েহে বহুতে ধৰি লৈছিল যে এয়া ১ এপ্ৰিল বা এপ্ৰিল ফুলৰ কৌতুক হ’ব পাৰে। কিন্তু, পিছত ভবিষে কথাটো নিশ্চিত কৰিলে।
ভবিষ আগৰৱালাই “এক্স”ত লিখিছে, “কেৱল এপ্ৰিল ফুলৰ কৌতুক নহয় ! আমি কালি ‘অলা ছ’লো’ ঘোষণা কৰিলোঁ। ভাইৰেল হৈ পৰিল আৰু বহুতে বিতৰ্ক কৰিলে যে ই বাস্তৱ নে এপ্ৰিল ফুলৰ কৌতুক ! কিন্তু ভিডিঅ’টোৱে সকলোকে হাঁহিবলৈ ৰচনা কৰা হৈছে যদিও ইয়াৰ আঁৰৰ প্ৰযুক্তি আমি কাম কৰি আছো আৰু ইয়াৰ বাবে এটা প্ৰ’ট’টাইপ নিৰ্মাণ কৰিছো। ই দেখুৱাইছে যে আমাৰ অভিযান্ত্ৰিক দলসমূহে কেনেধৰণৰ কাম কৰিবলৈ সক্ষম।”
তেওঁ লগতে কয়, “অ’লা ছ’লো ভৱিষ্যতৰ গতিশীলতাৰ প্ৰমাণ আৰু আমাৰ অভিযান্ত্ৰিক দলসমূহে দুচকীয়া বাহনত স্বায়ত্তশাসিত আৰু স্ব-ভাৰসাম্য ৰক্ষা কৰিব পৰা প্ৰযুক্তিৰ ওপৰত কাম কৰি আছে। যিটো আপুনি আমাৰ ভৱিষ্যতৰ সামগ্ৰীত দেখিব।” এই প্ৰসংগত “Ola SOLO”ক ট্ৰেফিক স্মাৰ্ট, AI সক্ষম আৰু সম্পূৰ্ণ স্বায়ত্তশাসিত কৰা হৈছে।
লগতে এই সন্দৰ্ভত প্ৰকাশিত ভিডিঅ’টোত দেখাৰ দৰে এই অত্যাধুনিক স্কুটাৰখন চালক অবিহনে সম্পূৰ্ণৰূপে নিজেই গতি কৰিছে। এই প্ৰতিবেদন লিখাৰ সময়ত এই ভিডিঅ’টো ৮ লাখ ৩০ হাজাৰৰো অধিক লোকে চাইছে। ইয়াৰ উপৰিও ভিডিঅ’টোৰ ক্ষেত্ৰতো তেওঁলোকে নিজৰ প্ৰতিক্ৰিয়া প্ৰকাশ কৰে।