ডাকঘৰত একাধিক মাহেকীয়া আয়ৰ আঁচনি আছে। জ্যেষ্ঠ নাগৰিক সঞ্চয় আঁচনি এনে এখন আঁচনি। জ্যেষ্ঠ নাগৰিকসকলৰ মাহেকীয়া খৰচ পূৰণৰ বাবে ডাকঘৰটোৱে এই আঁচনিখন উলিয়াইছে। কিন্তু কিছুমান চৰ্ত আছে। যি নহওক, ডাকঘৰৰ মাহেকীয়া আঁচনিত কিমান টকা বিনিয়োগ কৰিব পাৰিব তাৰ হিচাপ ইয়াত দিয়া হ’ল –
জ্যেষ্ঠ নাগৰিক সঞ্চয় আঁচনিঃ ডাকঘৰৰ জ্যেষ্ঠ নাগৰিক সঞ্চয় আঁচনিৰ বাবে নূন্যতম ২০ লাখ টকা বিনিয়োগ কৰিব লাগিব। সৰ্বাধিক ৩০ লাখ টকা বিনিয়োগ কৰিব পাৰিব। প্ৰতিমাহে এই আঁচনিখনত বিনিয়োগকাৰীয়ে কিমান টকা পাব সেয়া বিনিয়োগৰ পৰিমাণৰ ওপৰত নিৰ্ভৰ কৰে। প্ৰসংগক্ৰমে উল্লেখযোগ্য যে এই আঁচনিখনত বিনিয়োগ কৰিলে ধাৰা ৮০চিৰ অধীনত কৰ কৰ্তনযোগ্য।
জ্যেষ্ঠ নাগৰিকে এই ডাকঘৰৰ আঁচনিত বিনিয়োগ কৰিব পাৰিব। ৬০ বছৰ আৰু তাৰ ওপৰৰ লোকসকলক মনত ৰাখি এই আঁচনিখন বনোৱা হৈছে, যাতে তেওঁলোকে অৱসৰৰ পিছত নিয়মীয়াকৈ আয় কৰিব পাৰে। স্বেচ্ছামূলক অৱসৰ লোৱাসকলে জ্যেষ্ঠ নাগৰিক সঞ্চয় আঁচনিত বিনিয়োগ কৰিব পাৰিব।
লগতে চাওক – নিয়মীয়াকৈ আয় পাব বিচাৰেনে ? জানক মিউচুৱেল ফাণ্ডৰ SWP-ৰ সুবিধাৰ বিষয়ে !
বৰ্তমান চৰকাৰে এই আঁচনিৰ ৮.২ শতাংশ সুত দি আছে। এই আঁচনিখনত জ্যেষ্ঠ নাগৰিকসকলে একেলগে ১৫ লাখ টকা বিনিয়োগ কৰিলে প্ৰতি ত্ৰিমাসিকত ১০,২৫০ টকা উপাৰ্জন কৰিব পাৰিব। ৫ বছৰৰ পাছত সুতৰ আয় হ’ব ২ লাখ টকা। আৰু যদি কোনোবাই সৰ্বাধিক ৩০ লাখ টকা বিনিয়োগ কৰে, তেতিয়া তেওঁ প্ৰতি বছৰে ২,৪৬,০০০ টকা সুত পাব। তাৰমানে মাহে ২০,৫০০ টকা পাব। তিনিমাহত আহিব ৬১,৫০০ টকা।
আঁচনিৰ সুবিধাঃ জ্যেষ্ঠ নাগৰিক সঞ্চয় আঁচনি হৈছে ভাৰত চৰকাৰৰ দ্বাৰা পৰিচালিত এখন সৰু সঞ্চয় আঁচনি। আয়কৰ আইনৰ ধাৰা ৮০চিৰ অধীনত বিনিয়োগকাৰীয়ে ১.৫ লাখ টকা পৰ্যন্ত কৰ কৰ্তন লাভ কৰে। বছৰি ৮.২ শতাংশ হাৰত সুত আদায় কৰা হয়। প্ৰতি ৩ মাহৰ মূৰে মূৰে সুতৰ পৰিমাণ পোৱা যায়। প্ৰতি বছৰে এপ্ৰিল, জুলাই, অক্টোবৰ আৰু জানুৱাৰী মাহৰ প্ৰথম দিনটোত একাউণ্টত সুত জমা হয়।
1 thought on “মাহিলী খৰচৰ চিন্তাৰ প্ৰয়োজন নাই। এই ডাকঘৰৰ আঁচনিৰ পৰা মাহে ২০,৫০০ টকা পাওক।”