This time farmers will get 9000 rupees instead of 6000 rupees – কেন্দ্রীয় চৰকাৰে নতুন বছৰত PM Kisan Yojana-ৰ অধীনত কৃষকক উপহাৰ দিবলৈ ওলাইছে ৷ কৃষি খণ্ডক শক্তিশালী কৰাৰ লগতে কৃষকৰ আয় বৃদ্ধিৰ বাবে ২০২৪ চনত কেন্দ্রীয় চৰকাৰে কেইবাটাও ডাঙৰ পদক্ষেপ ল’বলৈ ওলাইছে ৷ এইবাৰ কৃষকে ৬ হাজাৰ টকাৰ সলনি ৯ হাজাৰ টকা পাব। ইয়াৰ উপৰিও শস্য বীমাৰ সুবিধাও উপলব্ধ হ’ব। জনা গৈছে যে চৰকাৰে পৰৱৰ্তী বাজেটত কৃষি খণ্ডৰ বাবে বিপুল পৰিমাণৰ ধন আবণ্টন দিবলৈ ওলাইছে।
প্ৰধানমন্ত্ৰী কিষাণ সন্মান নিধি যোজনা (PM Kisan Yojana)ৰ অধীনত কেন্দ্ৰীয় চৰকাৰে প্ৰতিজন কৃষকক প্ৰতি বছৰে ৬ হাজাৰ টকা প্ৰদান কৰে। এই ফেব্ৰুৱাৰী মাহত এই আঁচনিৰ ৫ বছৰ হ’ব। কেন্দ্ৰীয় চৰকাৰে আগন্তুক ৫ বছৰলৈ কৃষকৰ আয় ৫০ শতাংশ বৃদ্ধিৰ বাবে কেইবাটাও পদক্ষেপ গ্ৰহণ কৰিবলৈ ওলাইছে।
সূত্ৰ অনুসৰি ২০২৪-২৫ চনৰ বাজেটত কৃষি খণ্ডৰ বাবে চৰকাৰে প্ৰায় ২ লাখ কোটি টকা আবণ্টন দিব পাৰে। প্ৰধানমন্ত্ৰী কিষাণ সন্মান নিধি যোজনাৰ পৰিমাণ ৬ হাজাৰৰ পৰা ৯ হাজাৰ টকালৈ বৃদ্ধি হ’ব পাৰে বুলি বিশ্বাস কৰা হয়। অৰ্থাৎ মাহে ৫০০ টকাৰ সলনি দেশৰ সকলো কৃষকে মাহে ৭৫০ টকা পাব।
আৰু পঢ়ক – PM Kisan লৈ ডাঙৰ আপডেট, এই কাম নকৰিলে PM Kisan’ৰ ধন নাপাব !
ইয়াৰ উপৰিও কৃষকসকলকৰ শস্য বীমা আঁচনিতো কেইবাটাও পৰিৱৰ্তন কৰা হ’ব। ২০১৬ চনত আৰম্ভ হোৱা এই আঁচনিৰ জৰিয়তে কৃষকসকলক অতি কম প্ৰিমিয়ামত শস্যৰ বীমা প্ৰদান কৰা হৈছিল। মাত্ৰ ১.৫ শতাংশৰ পৰা ৫ শতাংশ প্ৰিমিয়ামহে কৃষকে দিব লাগে, বাকী প্ৰিমিয়াম চৰকাৰে দিব লাগে।
এইবাৰৰ বাজেটত ৩০ শতাংশতকৈ অধিক ধন আবণ্টন হ’ব পাৰে। কিন্তু এই ধন ১ ফেব্ৰুৱাৰীৰ অন্তৱৰ্তীকালীন বাজেটত আবণ্টন দিয়া হ’ব নে জুলাই মাহত সম্পূৰ্ণ বাজেটত এই সিদ্ধান্ত লোৱা হ’ব সেয়া এতিয়াও জানিব পৰা হোৱা নাই।