১০ বছৰত পাঁচ কোটি টকা ৰাহি কৰা সম্ভৱনে? স্বৰ্গ যেন লাগিব পাৰে। লক্ষ্য অতি সহজ বুলি ক’ব নোৱাৰি। কিন্তু সেয়া অসম্ভৱ সপোন নহয়। অনুশাসিত আৰু কৌশলগত বিনিয়োগ অব্যাহত ৰাখিলে দহ বছৰৰ ভিতৰত ৫ কোটি টকাৰ মূলধন সৃষ্টি কৰিব পৰা যাব।
কোন পদ্ধতিৰে ১০ বছৰত ৫ কোটি টকাৰ মূলধন সৃষ্টি কৰিব পাৰি? চকু মুদি বাজি ধৰিব পৰা এটা বস্তু হ’ল মিউচুৱেল ফাণ্ড। কেইবাটাও মিউচুৱেল ফাণ্ডে ১২ৰ পৰা ২০ শতাংশৰ ভিতৰত ৰিটাৰ্ণ প্ৰদান কৰে। এতিয়া চাওঁ SIP ৰ বেচ ৰিটাৰ্ণ ১২ শতাংশ বুলি ধৰি লৈ ১০ বছৰত ৫ কোটি টকা জমা কৰিবলৈ প্ৰতিমাহে কিমান টকা বিনিয়োগ কৰিব লাগে।
হিচাপ অনুসৰি এজন বিনিয়োগকাৰীয়ে ১০ বছৰত ৫ কোটি টকা জমা কৰিবলৈ প্ৰতিমাহে ২.১৫ লাখ টকা বিনিয়োগ কৰিব লাগিব। এই হাৰত বিনিয়োগ কৰা মুঠ ধনৰাশি হ’ব ২.৫৮ কোটি টকা। মূলধনৰ সুতৰ পৰিমাণ হ’ব ২.৪১ কোটি টকা। আৰু কোনোবাই যদি ১০ বছৰত ১ কোটি টকা জমা কৰিব বিচাৰে তেন্তে তেওঁ প্ৰতিমাহে ৪৩ হাজাৰ টকাৰ SIP কৰিব লাগিব।
যোৱা কেইবছৰমানৰ পৰা কেইবাটাও মিউচুৱেল ফাণ্ডে উচ্চ হাৰত ৰিটাৰ্ণ দিছে। এছ’চিয়েশ্যন অৱ মিউচুৱেল ফাণ্ডছ ইন ইণ্ডিয়া (এ এম এফ আই)ৰ তথ্য অনুসৰি এই আঁচনিসমূহ ফলপ্ৰসূ হ’ব পাৰে – কোৱাণ্ট ফ’কাচড ফাণ্ডে – ১০ বছৰত ১৭.৩৮ শতাংশ লাভ কৰিছে। এই পুঁজি ২০০৮ চনত আৰম্ভ কৰা হৈছিল। বৰ্তমান এই পুঁজিৰ পৰিচালনাৰ অধীনত থকা সম্পত্তি ৩৬৭ কোটি টকা।
মিউচুৱেল ফাণ্ড আৰু এছআইপিত বিনিয়োগ কৰা কোটিপতি: নিপ্পন ইণ্ডিয়া ফ’কাচড ফাণ্ড। যোৱা পাঁচ বছৰত ১৭.৩১ শতাংশ বাৰ্ষিক ৰিটাৰ্ণ দিছে।
এছ বি আই ফ’কাচড ইকুইটি ফাণ্ড। এ ইউ এমৰ পৰিমাণ ২৯,৭৭৩ কোটি টকা। এই পুঁজি আৰম্ভ হোৱাৰ পৰাই বিনিয়োগকাৰীয়ে ১৮.২৭ শতাংশ ৰিটাৰ্ণ লাভ কৰিছে। ফ্ৰেংকলিন ইণ্ডিয়া ফ’কাচড ইকুইটি ফাণ্ড – ১০ বছৰৰ ভিতৰত ১৯.১৪% ৰিটাৰ্ণ।