গেছৰ সমস্যা‌ দূৰ কৰিবলৈ এই ঘৰুৱা উপায়বোৰ জানোঁ আহক

( Let’s learn these home remedies to solve gas problems ) বৰ্তমান ক’ৰোণাৰ সংক্ৰমণৰ পিছত ইয়াৰ পৰা সকাহ পাবলৈ সকলোৱে এক স্বাস্থ্যৱান জীৱন অতিবাহিত কৰিবলৈ বিভিন্ন ধৰণৰ ব্যৱস্থা গ্ৰহণ কৰি আছে। তথাপিও কিছুমান সমস্যা আছে যি মানুহক অতি সহজে এৰি নাযায়। মানুহৰ দৈনন্দিন জীৱনত প্ৰায়েই কিছুমান স্বাস্থ্য সমস্যা থাকে যাৰ কোনো স্থায়ী সমাধান নাই। এই সমস্যা বোৰৰ ভিতৰত এটা সচৰাচৰ সমস্যা হৈছে, পাকস্থলীত গেছৰ উৎপাদন হোৱা। যি বৰ্তমান সময়তে জেষ্ঠ্যজনৰ পৰা কনিষ্ঠজনলৈ সকলোৰে হোৱা দেখা যায়।

চিকিৎসকসকলৰ মতে, পেটৰ গেছৰ সমস্যাত ভুগি থকা এজন ব্যক্তিয়ে দিনক দিনে পেটৰ বিষ, বুকুৰ বিষ বা মূৰৰ বিষৰ অভিযোগ প্ৰায়ে হোৱা দেখা যায়। যদি ইয়াৰ বাবে সজাগতা আৰু নিয়মীয়া ৰুটিন উন্নত কৰে, তেন্তে গেছৰ সমস্যাৰ পৰা সকাহ পাব পাৰি। এইবোৰৰ তাৎক্ষণিক প্ৰতিকাৰৰ বিভিন্ন উপায়ো আছে। বিশেষকৈ আমি গেছৰ টেবলেট বা চিৰাপ খাও কিন্তু অত্যধিক মাত্ৰাত ওষধ ব্যৱহাৰ কৰিলেও স্বাস্থ্যৰ ক্ষতি হয়। গতিকে কেইটামান ঘৰুৱা উপায়ৰ বিষয়ে জানো আহক যিবোৰৰ সহায়ত আপুনি গেছৰ সমস্যা সমাধান কৰিব পাৰিব।

পেটৰ গেছৰ সমস্যাৰ পৰা সকাহ পাবলৈ আপুনিও কেইটামান ঘৰুৱা উপায় অৱলম্বন কৰিব পাৰে-

১/ ৰাতিপুৱা গৰম পানী সেৱন কৰা।
নিয়মীয়াকৈ গেছৰ সমস্যাত ভুগি থকা সকলে ৰাতিপুৱা সাৰ পোৱা পাছত, গৰম কুহুমীয়া পানী খোৱা অভ্যাস কৰাটো উচিত। গৰম পানী সেৱন কৰাৰ ফলত পেট পৰিষ্কাৰ হোৱাৰ লগতেই শৰীৰৰ পৰা অতি সহজে গেছ ওলাই যায়।

২/ এবিধ বিশেষ গুড়ি খাব।
পাকস্থলীৰ গেছৰ পৰা সকাহ পাবলৈ, ঘৰত থকা জিড়া গুড়ি, আজৱাইন, কলা নিমখ, আৰু হিঙৰ গুড়ি মিহলি কৰি এটা মিশ্ৰণ প্ৰস্তুত কৰি লব। তাৰপাছত ইয়াক পানীৰ সৈতে দিনত ২বাৰ মাত্র ২গ্ৰাম পাউডাৰ খাব। এনেদৰে খালে পেটত উৎপাদন হোৱা গেছ অতি সহজে আঁতৰ হয়।

• ৮ টা অভ্যাসে সম্পুৰ্ণ ভাৱে নষ্ট কৰিব আপোনাৰ কিডনী।

৩/ ১ চামুচ আজৱাইন বা জিৰা গুড়ি খাব।
গেছৰ সমস্যাত ভুগি থকা লোকসকলে গৰম পানী খাবলৈ অসুবিধা পালে, ১চামুচ আজৱাইন বা জিৰা গুড়ি অলপ পানীত গৰম কৰি লৈ ভালদৰে উতলোৱাৰ পাছত পানীখিনি ঠাণ্ডা কৰি এটা পৃথক পাত্রত ৰাখক। তাৰপিছত সেই পানী ২ বাৰকৈ খাব পাৰে।

৪/ ক’লা নিমখ।
গেছৰ সমস্যাত ভুগি থকা লোকসকলে ক’লা নিমখ খাব পাৰে। যি পেট ঠাণ্ডা কৰি ৰাখে। যদি ৰাতিপুৱা পানীত অলপমান ক’লা নিমখ মিহলি কৰি সেৱন কৰে, তেন্তে গেছৰ সমস্যাৰ পৰা পৰিত্ৰাণ পাব পাৰি। এই মিশ্রণটিকে তৎক্ষণাৎ পাকস্থলীৰ পৰা গেছ আঁতৰ কৰিবলৈ সৰ্বশ্ৰেষ্ঠ আৰু সহজ ঘৰুৱা প্ৰতিকাৰ।

৫/ আদা,
সতেজ আদা হৈছে গেষ্ট্ৰিক প্ৰতিকাৰৰ এক উত্তম উপায়। আপোনাৰ আহাৰৰ পিছত এক চামুচ সতেজ আদাৰ ৰস এক চাহ চামুচ চূণৰ ৰসৰ সৈতে খাব। আদা চাহ খোৱাটোও গেছ উপশমৰ বাবে এক কাৰ্যকৰী ঘৰুৱা প্ৰতিকাৰ। আদাই প্ৰাকৃতিক কাৰ্মিনেটিভ হিচাপে কাম কৰে (পেট ফুলা উপশম কৰা এজেণ্ট)।

৬/ এবিধ বিশেষ যোগাসন,
যদি গেছৰ সমস্যাৰ বাবে কোনো ধৰণৰ মিশ্রণ তৈয়াৰ কৰি খাব নিবিচাৰে তেন্তে তেওঁলোকে এবিধ বিশেষ যোগাসন কৰিব পাৰে। গেছৰ সমস্যাত থকা লোকসকলে পৱনমুক্তাসন, পাচ্চিমোত্তনাসন আৰু কপাঁলভাটি যোগাসন কৰিব পাৰে। এনে কৰিলে পাকস্থলীত উৎপাদন হোৱা গেছ শৰীৰৰ পৰা ওলাই যোৱাত অতিকে কাৰ্য্যকৰী ।

বিঃদ্রঃ এই আর্টিকেলটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়িবলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ ।