এনে মানুহৰ প্ৰতি সহজতে সন্তুষ্ট হয় মা লক্ষ্মী! দুখীয়া হৈ জন্ম ল’লেও এসময়ত হয় ধনী

মহান অৰ্থনীতিবিদ আচাৰ্য চাণক্যই তেওঁৰ নীতি চাণক্য নীতিত ধন সম্পৰ্কীয় অতি গুৰুত্বপূৰ্ণ কথা কৈছে। চাণক্য নীতিত কোৱা হৈছে যে যাৰ ওপৰত ধনৰ দেৱী লক্ষ্মী সন্তুষ্ট হয় তেওঁ সহজতে ধনী হয়। টকা অবিহনে জীৱন সম্ভৱ নহয়, কিন্তু ভুল পদ্ধতিৰে উপাৰ্জন কৰা ধনে জীৱনত বহু বিপদ কঢ়িয়াই আনে।

একে সময়তে ধনৰ ভুল ব্যৱহাৰে এটা ভাল জীৱন নষ্ট কৰিব পাৰে। গতিকে সদায় ধনী হৈ থাকিবলৈ আৰু সুখী জীৱন যাপন কৰিবলৈ হ’লে সঠিকভাৱে ধন উপাৰ্জন, ইয়াৰ সদ্ব্যৱহাৰ আৰু জীৱনত কিছুমান নিয়ম মানি চলাটো প্ৰয়োজনীয়। এইসকল লোকৰ প্ৰতি মাতৃ লক্ষ্মী দয়ালু হৈ উঠে। মা লক্ষ্মী কেনেকুৱা লোকৰ প্ৰতি সহজতে সন্তুষ্ট হয় জানো আহক –

১) কঠোৰ পৰিশ্ৰমীঃ পৰিশ্ৰমীসকলৰ প্ৰতি মা লক্ষ্মী নিশ্চিতভাৱে দয়ালু। এনে লোকে হয়তো পলমকৈ সফলতা পাব পাৰে কিন্তু নিশ্চিতভাৱে লাভ কৰে। এইসকল লোক নিজৰ কষ্টৰ ভিত্তিত ধনী হৈ পৰে। মা লক্ষ্মীয়ে এনে লোকক কঠোৰ পৰিশ্ৰমৰ ফল দিয়ে।

২) সৎঃ নিজৰ কাম সততাৰে কৰা মানুহ লগতে কাকো নঠগা মানুহক দেৱী লক্ষ্মীয়ে ভালপায়। মা লক্ষ্মী সদায় তেওঁলোকৰ ওপৰত সন্তুষ্ট হয় যিয়ে টকা উপাৰ্জনৰ বাবে ভুল পথ গ্ৰহণ নকৰে। মা লক্ষ্মীয়ে নিশ্চিতভাৱে তেওঁলোকক কোনোবা নহয় কোনোবা সময়ত ধনী কৰি তোলে। ইয়াৰ বাহিৰেও এনে লোকে নিজৰ ভাল কামৰ বাবেও যথেষ্ট সন্মান লাভ কৰে।

৩) দান-বৰঙণি কৰা লোকঃ যিসকল লোকে নিজৰ উপাৰ্জনৰ এটা অংশ দান কৰে, যিসকলে দুখীয়াক সহায় কৰে, তেওঁলোকৰ কেতিয়াও টকাৰ অভাৱ নহয়, মা লক্ষ্মীয়ে এনে মানুহক বহুত ধন-সম্পত্তি দিয়ে।


আৰু পঢ়ক
>> কেৱল সোণেই নহয়, ধনতেৰাছত কিনিব লাগে ঝাড়ু ! সেইদিনা কিয় ঝাড়ু কিনাৰ পৰামৰ্শ দিয়া হয় ?
>> মঙলবাৰে কৰক এই ৫টা বিশেষ কাম, ৰামভক্ত হনুমানৰ কৃপাত সকলো সমস্যা নিশ্চয় শেষ হ’ব


৪) অনবৰতে জ্ঞান আহৰণ কৰা মানুহঃ যিসকল মানুহে সদায় নিজৰ জ্ঞান বৃদ্ধি কৰি থাকে, তেওঁলোকে নিজৰ জীৱনত অতি সফল হয়। তেওঁলোকৰ জ্ঞানৰ বাবেই তেওঁলোকেও সন্মান লাভ কৰে আৰু ধনী হয়। এনে মানুহৰ প্ৰতি দেৱী লক্ষ্মী সহজতে সন্তুষ্ট হয়।

বিঃদ্ৰঃ উক্ত লেখা ইন্টাৰনেটৰ পৰা সংগ্ৰহ কৰা তথ্যৰ ওপৰত আধাৰিত।

1 thought on “এনে মানুহৰ প্ৰতি সহজতে সন্তুষ্ট হয় মা লক্ষ্মী! দুখীয়া হৈ জন্ম ল’লেও এসময়ত হয় ধনী”

Leave a Comment