প্ৰধানমন্ত্ৰী সূৰ্য্য ঘৰ যোজনাঃ দেশৰ সাধাৰণ জনতাক সুবিধা প্ৰদানৰ বাবে কেন্দ্ৰীয় চৰকাৰে বিভিন্ন আঁচনিৰ আয়োজন কৰে। এই সকলোবোৰ আঁচনিৰ বাবে দেশৰ সাধাৰণ জনতাই যথেষ্ট উপকৃত হৈছে। শেহতীয়াকৈ কেন্দ্ৰীয় চৰকাৰে আৰম্ভ কৰিছে প্ৰধানমন্ত্ৰী সূৰ্য্যঘৰ যোজনা। ২০২৪ চনৰ ১ ফেব্ৰুৱাৰীত অন্তৱৰ্তীকালীন বাজেট দাখিল কৰাৰ সময়ত বিত্তমন্ত্ৰী নিৰ্মলা সীতাৰমণে ছাদৰ ওপৰত সৌৰ আঁচনি বা প্ৰধানমন্ত্ৰী সূৰ্য্য ঘৰ মুফট বিজলী যোজনা আঁচনিৰ কথা ঘোষণা কৰে। কেন্দ্ৰীয় চৰকাৰে সাধাৰণ ৰাইজক জনাইছে যে এই বিশেষ আঁচনিৰ জৰিয়তে দেশৰ সাধাৰণ ৰাইজে বিনামূলীয়াকৈ ৩০০ ইউনিট বিদ্যুৎ লাভ কৰাৰ লগতে ৰাজসাহায্য হিচাপেও কিছু ধন লাভ কৰিব।
PM সূৰ্য্য ঘৰ যোজনা !
দেশৰ সাধাৰণ ৰাইজক কিছু বিনামূলীয়া বিদ্যুৎ সেৱা আগবঢ়াই দেশৰ মধ্যবিত্ত আৰু নিম্নবৰ্গৰ মানুহৰ পৰা উচ্চ বিদ্যুৎ বিলৰ চিন্তা আঁতৰোৱাটোৱেই হৈছে প্ৰধানমন্ত্ৰী সূৰ্যঘৰ যোজনাৰ মূল উদ্দেশ্য। এই সন্দৰ্ভত কেন্দ্ৰীয় চৰকাৰে প্ৰথমে প্ৰায় এক কোটি পৰিয়ালক এই বিদ্যুৎ সেৱা প্ৰদানৰ লক্ষ্য লৈছে। এই প্ৰকল্পৰ বাবে আবেদনকাৰীৰ আবেদন বৈধ হ’লে চৰকাৰে তেওঁৰ ঘৰৰ চাদত ছ’লাৰ পেনেল স্থাপন কৰিব। এফালে সৌৰ পেনেল স্থাপনৰ বাবে আবেদনকাৰীয়ে কম বিদ্যুতৰ বিল পাব, তেওঁৰ মিটাৰৰ ক্ষমতা অনুসৰি চৰকাৰৰ পৰাও কেইবাটাও ৰাজসাহায্য লাভ কৰিব।
আবেদন প্ৰক্ৰিয়া !
PM সূৰ্য্যঘৰ যোজনাৰ বাবে আবেদন কৰিবলৈ হ’লে আবেদনকাৰীয়ে কেইটামান পদ্ধতি মানি চলিব লাগিব। চাওকচোন সেইবোৰ কি –
১) এই প্ৰকল্পৰ বাবে আবেদন কৰিবলৈ আবেদনকাৰীয়ে প্ৰথমে চৰকাৰী চৰকাৰী ৱেবছাইটত গৈ “Apply for Rooftop Solar” বিকল্পত ক্লিক কৰিব লাগিব।
২) পৰৱৰ্তী পৃষ্ঠাত আবেদনকাৰীয়ে নিজৰ ৰাজ্য আৰু পছন্দৰ বিদ্যুৎ কোম্পানী নিৰ্বাচন কৰিব লাগিব।
৩) আবেদনকাৰীয়ে নিজৰ বিদ্যুতৰ গ্ৰাহক নম্বৰ, মোবাইল নম্বৰ আৰু ইমেইল আইডি শুদ্ধকৈ দিব লাগিব।
৪) তাৰ পিছত গ্ৰাহকৰ নম্বৰ বা কনজিউমাৰ নম্বৰ দি লগইন সম্পূৰ্ণ কৰক।
৫) লগ ইন কৰাৰ পিছত নিৰ্দেশনা অনুসৰি অন্য তথ্য সঠিকভাৱে জমা দিলেহে আবেদন প্ৰক্ৰিয়া সম্পূৰ্ণ হ’ব।
আৱেদন প্ৰক্ৰিয়া সম্পূৰ্ণ হোৱাৰ পিছত ঘৰতে ছ’লাৰ পেনেল স্থাপনৰ অনুমতি চৰকাৰে প্ৰদান কৰিব। যদি ঘৰতে ছ’লাৰ পেনেল লগোৱা হয় তেন্তে গ্ৰাহকে নেট মিটাৰৰ বাবে আবেদন কৰিব লাগিব। আৰু এই মিটাৰৰ ভিত্তিত তেওঁ ৰাজসাহায্যৰ দ্বাৰা উপকৃত আৰু লাভৱান হ’ব।
লগতে চাওক – কেন্দ্ৰৰ নতুন আঁচনি, ঘৰৰ প্ৰতিগৰাকী মহিলাই লাভ কৰিব চিলাই মেচিন ! কেনেকৈ আবেদন কৰিব ?
ৰাজসাহায্যৰ পৰিমাণ !
PM সূৰ্য ঘৰ যোজনাৰ জৰিয়তে গ্ৰাহকে বিনামূলীয়াকৈ ৩০০ ইউনিট বিদ্যুৎ লাভ কৰাৰ লগতে কিছু পৰিমাণৰ ৰাজসাহায্যও লাভ কৰিব। যদি কোনো ব্যক্তিয়ে নিজৰ ছাদত ২W ছ’লাৰ পেনেল স্থাপন কৰিব বিচাৰে তেন্তে মুঠ খৰচ হ’ব ৪৭ হাজাৰ টকা। চৰকাৰৰ বিবৃতি অনুসৰি জনা গৈছে যে যদি কোনো ব্যক্তিয়ে ৪৭ হাজাৰ টকা খৰচ কৰে, তেতিয়া চৰকাৰে ১৮০০০ টকা ৰাজসাহায্য হিচাপে দিব। আৰু বাকী ২৯ হাজাৰ টকা খৰচ কৰিব লগিব গ্ৰাহকৰ।
জনা যায় যে ২ ৱাট সৌৰ পেনেল স্থাপনৰ বাবে প্ৰয়োজন হোৱা মুঠ ঠাই ১৩০ বৰ্গফুট। এই পেনেলে প্ৰতিদিনে ৪:৩২ কিলোৱাট বিদ্যুৎ উৎপাদন কৰিব পাৰে। ফলত ই বছৰি ১৫৭৬ কিলোৱাট ঘণ্টা বিদ্যুৎ উৎপাদন কৰিব। এই পেনেলৰ সহায়ত যদি কোনো পৰিয়ালে নিজৰ বিদ্যুতৰ প্ৰয়োজনীয়তা পূৰণ কৰে তেন্তে তেওঁলোকে প্ৰতিদিনে ১২.৯৬ টকা অৰ্থাৎ বছৰি ৪৭৩০ টকা ৰাহি কৰিব।
1 thought on “প্ৰধানমন্ত্ৰী সূৰ্য্য ঘৰ যোজনা, এনেকৈ আবেদন কৰক !”