( How to be a parent to a successful child? Here are a few tips ) সফল সন্তানক ডাঙৰ-দীঘল কৰাৰ কোনো নিৰ্দিষ্ট ৰেচিপি নাই। কিন্তু মনোবিজ্ঞানৰ অধ্যয়নত কিছুমান বিশেষ চৰ্তক গুৰুত্বপূৰ্ণ আৰু প্ৰভাৱশালী বুলি গণ্য কৰা হয়। অভিভাৱকসকলে সেইবোৰ প্ৰয়োগ কৰি সফল সন্তান গঢ়ি তুলিব পাৰে। অধ্যয়নত দেখা গৈছে যে যিসকলৰ সন্তানৰ সফল কেৰিয়াৰ আছে তেওঁলোকৰ মাজত কেইবাটাও বৈশিষ্ট্য সাধাৰণ। যেনে –
উচ্চ আশা,
কেলিফৰ্ণিয়া বিশ্ববিদ্যালয়ৰ অধ্যাপক নীল হালফনৰ এক সমীক্ষা অনুসৰি সন্তানৰ প্ৰতি অভিভাৱকৰ উচ্চ আশাই তেওঁলোকৰ লালন-পালনত উল্লেখযোগ্য ভূমিকা পালন কৰে। যিসকলৰ উচ্চ আশা বেছি, তেওঁলোকে শিশুক নিৰ্দিষ্ট লক্ষ্যলৈ লৈ যাবলৈ সক্ষম হয়।
ঘৰৰ কাম কাজ,
ষ্টেনফৰ্ড বিশ্ববিদ্যালয়ৰ প্ৰাক্তন নৱাগত ছাত্ৰী জুলি লিথকট-হাইমছে কয় যে – শিশুসকলে সৰুৰে পৰাই নিজৰ চাৰিওফালে আৰু ঘৰত কাম-কাজ কৰাত অভ্যস্ত হ’ব লাগে। আৰু সফল মানুহৰ পিতৃ-মাতৃয়ে আগতে সেই কাম কৰিছিল।
অশান্তিৰ পৰিৱেশ,
ডাঙৰ হোৱা সকলৰ ভৱিষ্যত আনতকৈ বেয়া। পিতৃ-মাতৃৰ মাজত সংঘাত বা বিচ্ছেদৰ ফলত শিশুৰ সফলতাত বিৰূপ প্ৰভাৱ পৰে। গতিকে উজ্জ্বল ভৱিষ্যতৰ বাবে পাৰিবাৰিক সম্পৰ্ক সুস্থ কৰি ৰখা উচিত বুলি ইলিনয় বিশ্ববিদ্যালয়ৰ এক বিশ্লেষণাত্মক অধ্যয়নত প্ৰকাশ পাইছে।
উচ্চ শিক্ষা গ্ৰহণ কৰা,
২০১৪ চনত মিচিগান বিশ্ববিদ্যালয়ৰ মনোবিজ্ঞানী ছেণ্ড্ৰা টাঙে এক অধ্যয়নত কৈছিল যে – উচ্চ শিক্ষা গ্ৰহণ কৰা মাতৃসকলে সন্তানক সফল কৰি তুলিব পাৰে।
সামাজিক দক্ষতা আহৰণৰ ক্ষেত্ৰত শিক্ষা প্ৰদান কৰা,
এটা অধ্যয়নৰ মতে কিণ্ডাৰগাৰ্টেনত শিশুসকলক বিভিন্ন সামাজিক দক্ষতা আহৰণ কৰিবলৈ শিক্ষা দিলে প্ৰায় দুটা দশকৰ পিছত ফল পোৱা যায়। এই অধ্যয়ন বিশ বছৰৰ সময়ছোৱাত কৰা হৈছিল। এই শিশুসকল ডাঙৰ হৈ আনবোৰতকৈ অধিক কাৰ্যক্ষম হৈ উঠে।
আৰু পঢ়ক-
- সঁচা প্রেম নে টাইম পাছ | জানক এই ৫ টা কথাৰে।
- দৰিদ্ৰ হ’ব নিবিছাৰে যদি আজিয়েই দূৰ কৰক এই কেইবিধ বস্তু।
মানসিক চাপমুক্ত হৈ থাকক,
অধ্যয়নটোত দেখা গৈছে যে ৩ ৰ পৰা ১১ বছৰ বয়সৰ ভিতৰৰ শিশুৰ সৈতে অভিভাৱকে যিমান সময় কটায়, তাৰ ফলত শিশুটিৰ সফলতাত প্ৰভাৱ পৰে। তদুপৰি শিশুটিক ডাঙৰ-দীঘল কৰাত পিতৃ-মাতৃৰ মানসিক চাপ যিমানেই কম, ডাঙৰ হোৱাৰ লগে লগে শিশুটিৰ সফলতাৰ সম্ভাৱনা সিমানেই বেছি।