শনিৰ কোপদৃষ্টি পৰিছে নেকি ? শনি দেৱৰ আশীষ লাভৰ কেইটামান বিশেষ উপায়

শনি দেৱক ন্যায়ৰ দেৱতা বুলি এনেই কোৱা নহয়। এজন মানুহৰ ভাল আৰু বেয়া কাৰ্য অনুসৰি শনি দেৱতাই তেওঁক আশীষ প্ৰদান কৰে। যদি এজন ব্যক্তিয়ে বেয়া কাম কৰে, তেন্তে শনি দেৱতা তেওঁৰ ওপৰত বিতুষ্ট হয়। শনিৰ কোপ দৃষ্টিৰ ফলত তেওঁৰ জীৱন দুখেৰে ভৰি আহে। একে সময়তে, শনি দেৱে ভাল কাম কৰা সকলক কেতিয়াও নিৰাশ নকৰে। এবাৰ তেওঁ কাৰোবাৰ প্ৰতি সদয় হ’লে, মানুহৰ জীৱনত কোনো অভাৱ নহয়। মানুহে কিছু বিশেষ কাম কৰিলে সহজেই শনি দেৱৰ কৃপা লাভ কৰিব পাৰে।

১/পূৰ্বপুৰুষৰ শ্ৰাদ্ধ
যিসকলে পূৰ্বপুৰুষৰ শ্ৰাদ্ধ কৰে তেওঁলোকে শনি দেৱৰ কৃপা আৰু আশীষ লাভ কৰে। শনি দেৱ পূৰ্বপুৰুষৰ শ্ৰদ্ধাত সন্তুষ্ট হয় আৰু এই কাৰ্য কৰাসকলৰ সকলো দুখ দূৰ কৰে। শনিবাৰে শনি আৰু পিতৃপক্ষত অমাৱস্যা দিৱসৰ পূজা অতি ফলপ্ৰসূ বুলি গণ্য কৰা হয়।

২/পৰিষ্কাৰ পৰিচ্ছন্নতা
শনি দেৱে পৰিষ্কাৰ পৰিচ্ছন্নতা বহুত ভাল পায়।সেয়ে , শনি দেৱতাৰ সুদৃষ্টি লাভ কৰিবলৈ সদায় ঘৰটো পৰিষ্কাৰ ৰাখিব। শাৰীৰিকভাৱেও স্বাস্থ্যৱান হৈ থাকিবলৈ যত্ন কৰিব। নখবোৰো সমানেই পৰিষ্কাৰ কৰি ৰাখিব আৰু সেইবোৰ বাঢ়িবলৈ নিদিব। যিসকল লোক পৰিষ্কাৰ পৰিচ্ছন্নতাৰ প্ৰতি বিশেষভাৱে সচেতন, তেওঁলোকৰ ওপৰত কেতিয়াবা শনিৰ কোপদৃষ্টি নপৰে৷


আৰু পঢ়ক
>> হনুমান চালীশা পাঠ কৰাৰ গুৰুত্ব !
>> ঘৰৰ এই স্থানত হালধী পানী ছটিয়াই দিয়ক, দুৰ্ভাগ্য দূৰ হ’ব, লক্ষ্মীৰ আশীৰ্বাদ পাব।


৩/আহঁত গছৰ উপাসনা
আপুনি নিশ্চয় শুনিছে যে শনিবাৰে সন্ধিয়া আঁহত গছৰ তলত চাকি জ্বলালে ভাল৷ ইয়াৰ প্ৰকৃত কাৰণ হ’ল , আহঁত গছৰ উপাসনা কৰিও শনি দেৱতাক সন্তুষ্ট কৰিব পাৰি। ইয়াৰ লগতে, আপুনি তেওঁৰ অনুগ্ৰহ লাভ কৰিবলৈ আহঁত গছৰ পুলি এটিও ৰোপণ কৰিব পাৰে৷

৪/শনিবাৰে উপবাস
শনিবাৰে উপবাস কৰিলে শনি দেৱতা সহজেই সন্তুষ্ট হয় ৷ আৰু উপবাস ৰখা সকলৰ ওপৰত শনি দেৱতাৰ সুদৃষ্টি পৰে৷এই দিনটোত উপবাস ৰখাৰ লগতে দান কৰিও সিদ্ধি লাভ কৰিব পাৰি। দৰিদ্ৰ লোক সকলক আহাৰ প্ৰদান কৰিলে শনি দেৱ অতি সন্তুষ্ট হয় ।আৰু এনেদৰে দান কৰা জনে শনি দেৱতাৰ অপৰিসীম অনুগ্ৰহ লাভ কৰে। তেওঁৰ ঘৰত একোৰে অভাৱ নহয়।

বিঃদ্ৰঃ উক্ত লেখা ইন্টাৰনেটৰ পৰা সংগ্ৰহ কৰা তথ্যৰ ওপৰত আধাৰিত।

1 thought on “শনিৰ কোপদৃষ্টি পৰিছে নেকি ? শনি দেৱৰ আশীষ লাভৰ কেইটামান বিশেষ উপায়”

Leave a Comment